MENU
klinika

Rikthehet totocalcio?

Serie A, tre propozime për të zbutur humbjet

24.03.2020 - 18:00

Ditë të vështira për futbollin italian, në veçanti për Serinë A, që është duke u përballur me emergjencën e Koronavirusit dhe me humbjet e mëdha ekonomike. Drejtuesit e Ligës së futbollit po diskutojnë 3 pika kryesore. Së pari, rikthimi i skedinës së famshme Totocalcio.

Një skedinë e re moderne, e gjitha për t’u studiuar në detaje, që jep mundësinë për të ndarë fitimet mes klubeve. Pra, përfitimet ekonomike këtë herë nuk do të shkojnë në arkat e shtetit, por klubeve. Së dyti, klubet duan që t’u jepet liri në reklamat e basteve sportive, në mënyrë që zbusin humbjet në këtë situatë. Kjo pikë duket e panegociueshme me Qeverinë Italiane, e cila edhe më parë është treguar shumë e rreptë në këtë kërkesë.

konica sportkonica sport mobile

Dhe së treti, të shtyhen afatet e taksave dhe të diskutohen uljet e pagave të futbollistëve, palëve të dyta dhe të treta. Sa i përket çështjes së shkurtimit të pagave, idea është që të ulen me 30% pagat neto. Kjo pikë do të diskutohet edhe në UEFA, e cila po ndjek më vëmendje zhvillimin e ngjarjeve në të Evropën.

Problemi më i madh mbetet rifillimi i kampionateve, sidomos në Itali, ku në horizont shihet data 9 maj, gjithnjë nëse rreziku nga Covid-19 do të ketë kaluar. Fundja edhe zhvillimi i ndeshjeve pa spektatorë do të ishte një zgjidhje, pasi klubet përfitojnë nga e drejta televizive. Nëse ndeshjet e mbetura nuk zhvillohen për këtë sezon, atëherë shumë klube do të vuanin financiarisht dhe nuk do të ishte aspak çudi që një pjesë edhe të falimentonin.

VAZHDO TË LEXOSH MË TEPËR PËR TEMËN


Propozimet për të zbutur gjendjen

Serie A llogarit humbjet: 770 milionë dollarë!