Presidenti amerikan, Donald Trump ka thënë se Shtetet e Bashkuara kanë “kaluar pikun” e rasteve të reja me koronavirusin e ri dhe se parashihet që disa shtete të rihapen këtë muaj.
Në një konferencë për media nga Shtëpia e Bardhë, Trump ka thënë se udhëzimet për rihapje do të bëhen të ditura të enjten, pasi të flasë me guvernatorët.
“Ne do të jemi tejkaluesit, të gjithë ne”, ka thënë presidenti.
“Ne duam t’i kthehemi shtetit tonë sërish”.
Deri më tani, SHBA-ja ka raportuar për 640,000 raste të konfirmuara dhe 30,800 të vdekur si pasojë e sëmundjes Covid-19, që shkakton koronavirusi.
“Të dhënat tregojnë se në nivel kombëtar, ne kemi kaluar pikun e rasteve të reja. Shpresojmë se kjo do të vazhdojë dhe ne do të vazhdojmë të bëjmë përparim”, ka shtuar mes tjerash ai.
I pyetur pse Shtetet e Bashkuara kanë një numër kaq të madh të shkallës së vdekjeve, Trump ka akuzuar shtetet tjera, duke thënë se po gënjejnë për shifrat e vërteta të vdekshmërisë.
“Vërtet dikush iu beson shifrave të disa vendeve?”, ka thënë ai duke përmendur Kinën.
Ai ka thënë se është duke analizuar raporte të paverifikuara që tregojnë se koronavirusi ka dalë nga një laborator në Vuhan dhe jo nga tregjet e kafshëve.
Mediat amerikane kanë raportuar se ambasada amerikane në Pekin ka ngritur shqetësime për sigurinë e dy laboratoreve në Vuhan.
Megjithatë, Mark Milley, udhëheqës i Shefit të Stafit, ka thënë se shërbimet e inteligjencës amerikane besojnë se virusi mund të jetë zhvilluar në mënyrë të natyrshme.
Deri më tani nga koronavirusi i ri janë infektuar më shumë se 2 milionë persona.
VAZHDO TË LEXOSH MË TEPËR PËR TEMËN
“Media bën panik për të dëmtuar Trumpin”
“Media përhap panik për të dëmtuar Trumpin”
