Vjen mbrëmjen e sotme, në orën 20:00 në Facebook, në formatin online / livestream, shfaqja “Im atë donte Adolfin” nga Mehmet Kraja, regjia: Ilir Bokshi, një superprodhim i Teatrit të Gjilanit, shkruajnë mediet lokale.
Në këtë shfaqje luajnë: Emine Toska, Ali Demi, Ernest Zymberi, Alban Shahiqi, Avni Shkodra, Bashkim Nexhipi, Njomëza Kalaveshi, Tringa A. Hasani, Safete Mustafa, Gani Rrahmani, Gramos Kërqeli. Skenografia: Bekim Korça Kostumet: Vesa Kraja E shpërblyer me dhjetëra çmime në festivalet e teatrove shqiptare si: shfaqja më e mirë, regjia më e mirë, aktori më i mirë, skenografia më e mirë, etj, “Im atë donte Adolfin” është një rrëfim dhe udhëtim i jashtëzakonshëm i historisë sonë shqiptare.
“Im atë donte Adolfin” eksploron dhjetë vitet e para pas Luftës së Dytë Botërore, pas kthesës së madhe historike shqiptare, ku koha artikulohet përmes një dioptrie të veçantë, ndryshe nga tregimi letrar i kësaj epoke në prozën tonë.
Brenda harkut kohor dhjetëvjeçar të Atit, mbase 1945/1955, kohë e cila është e ngjeshur me fragmente të shkëputura pamjesh e bëmash, shikuesi a spektatori bredh së bashku me Atin si nëpër një film të gjallë, ecën si nëpër një dokumentar neorealist; narratori, gjatë kësaj rrjedhjeje të shiritit filmik, mjegullon qëllimisht kufirin mes reales dhe fiktives, parodizon historiken përmes dëshmive të bollshme, ironizon deri në grotesk ambientin, atmosferën, njerëzit…
VAZHDO TË LEXOSH MË TEPËR PËR TEMËN
“Koko Fest”, Zamira Kita ndan përshtypjet post-festival
”Maskuar” vjen premierë në Teatrin Eksperimental
‘’Tri gra dhe Misugi’’ ankorohet në Teatrin Eksperimental
