06.04.2020 - 17:20
Receta per: 4 persona
Pak kalorike, por shuuumë e shijshme ama!
INGREDIENTËT
- 1 pulë e ndarë në pjesë të veçanta
- 1 spec jeshil
- 1 spec i kuq
- 2 qepë të kuqe të vogla të prera në katërsh
- 1 patate e madhe e ëmbël e prerë në copa të vogla
- 150 gram domate qershi
- 1 limon i prerë në feta rrumbullake
- 2 thelpi hudhra të copëtuara
- 1 lugë gjelle spec i kuq pluhur
- 1 lugë gjelle rigon
- 3-4 degë trumzë e freskët
- Kripë, piper për shije
- ½ filxhan me ullinj të zi (pa bërthamë)
- 100 gram djathë i bardhë (lope)
UDHËZIMET
- Parangrohni furrën në 200 gradë Celsius.
- Në një tavë të madhe shtoni mishin e pulës, patatet, specat e prerë në shirita të hollë, qepën e kuqe, limonin, ullinjtë, hudhrën dhe domatet e plota.
- I spërkasni sipër pak kripë, piper, rigon, specin e kuq pluhur dhe vaj ulliri.
- I përzieni mirë të gjitha bashkë.
- I fusni në furrën e parangrohur për 25 minuta.
- Më pas e nxirrni tavën nga furra. E spërkasni sipër me djathin e bardhë, vaj ulliri, trumzë dhe shijojeni!
