Prej ditësh tashmë nën sulmin e pandemisë, Italia përballet me shifra të rënda humbjeje. Covid-19 e zuri botën në befasi. Me përhapjen e menjëhershme, vendet më të zhvilluara shënuan disfata në sistemin shëndetësor, ndërsa thirrjet për mbrojtjen e popullatës sollën masat e izolimit – mënyra më e shpejtë kundër virusit të ri. /Konica.al
Por, sot, kryeqyteti i fqinjit tonë, ka përvjetorin e 2773-të! Si zuri fill ky qytetërim?
Historia ruan dy legjenda, e para:
Romuli themelon Romën, sipas traditës, duke u bërë mbreti i parë romak. Historia e Romulit, vëllait të tij binjak Remi dhe themelimi i Romës është një nga legjendat më të njohura në lidhje me qytetin e përjetshëm, që tregon sesi Marsi (perëndi) u bashkua me virgjëreshën Rea Silvia, bijë e një mbreti të rënë nga froni.
Nga ky bashkim lindën njëherësh, Romuli dhe Remi; mbreti dha urdhër që binjakët të hidhen në lumin Tiber.
Legjenda e dytë:
Por, rreth krijimit të Romës, ka edhe një tjetër legjendë: Në fund të luftës së Trojës, qyteti u shkatërrua, burrat u vranë, gratë u bënë skllave dhe disa trojanë mundën të iknin, mes tyre princi Enea, biri i perëndeshës Venus (Afërdita) dhe njeriut, Anshiu.
Ndërsa Troja ishte nën flakë, Enea la qytetin, me të birin, Askan dhe pasuesit e tyre. Pas shumë aventurash e vështirësish, trojanët mbërrijnë në Laurentum, në bregun perëndimor të Italisë, ku Enea martohet me Lavinian, bijën e mbretit të zonës, Latinus dhe themelon qytetin, që e quajti Lavinium, për nder të gruas së tij.
Ndërsa Askani, i biri i Eneas, vendosi të ndërtonte një qytet të ri, që e quajti Alba (Longa) dhe malin afër, Alban – pranë do të ndërtohej Roma.
Por, cili është themeluesi i Romës – Romuli apo Enea?
Kato, historian dhe filozof, në fillim të shekullit të dytë p.e.s, pranon idenë e Eratosthenit, se midis themelimit të Romës (shek. VIII pes) dhe rënies së Trojës (shek. XII pes) numërohen 400 vjet – 16 breza – dhe ai kombinoi të dy historitë, për të dalë me atë që është versioni i pranuar, ku Romuli s’mund të jetë nipi i Eneas, biri i Askanit, por te paktën, të duket se është pasardhësi i largët i heroit trojan.
Popull i zgjedhur
Të dyja mitet ndihmuan në themelimin e romakëve, si popull i zgjedhur nga Zoti, prejardhja e të cilëve i kishte gjurmët që nga Troja dhe qytetërimi helen.
Tradita romake tregon se, ishte qyteti i lindjes së Romulos, Palatine Hill, në të cilin u shënua ai që u quajt “Viti 1” (ose viti 753 para Krishtit, në kalendarin kristian të perëndimit).
Gërmimet arkeologjike në kodër, kanë gjetur pjesë që datojnë, të paktën prej vitit 1,000 para erës sonë.
VAZHDO TË LEXOSH MË TEPËR PËR TEMËN
‘Dita botërore e makaronave’, kombinimi i botës në një pjatë…
‘’Via Egnatia’’ mrekullia mitike e Shqipërisë
“I detyrohem vetëm Zotit”
