MENU
klinika

"Të mbyllun në botën e pashpirt..."

Iluzion për një këngë

28.05.2020 - 16:33

Retë ikën!

Këndoni sikur dielli do shpërthejë

Harmoninë e harpave,

Të mbetuna vjerë në shelgjet buzë liqenit,

Që, edhe sot lotojnë,

Tunden lehtas nga era e trishtueme.

Zogjtë ikën nga kafazi.

Të mbyllun në botën e pashpirt,

Nuk mund të këndonin ma.

Fluturuen dhe prekën diellin në shpatet malore,

Përzunë etjen me ujin e pronit,

Qi rridhte si nji rrymë qelqi,

T’i bashkohej liqenit dhe detit

kolana e librave

Prisnim “zogjtë”!

Prisnim harpën e lirisë,

Të harruem në shelgjet lotues,

Prisnim,melodinë për kangën e ndalueme,

Iluzionin e coptuem nga tradhtitë moderne.

I bashkuem harpat!

Kapërcyell kaluem vende me dhe pa flamur,

Plagë na u banë andrrat.

U bashkuem diku në muzgun e artë,

Në perëndimin e shejtë dhe të largët,

Dhe s’bashku kënduem kangën e ndalueme,

Iluzionin për lirinë e mohueme

Rauf Xhyheri