Qeveria amerikane i ka bërë presion privat Mbretërisë së Bashkuar për bisedimet bilaterale tregtare për të bërë një zgjedhje midis SHBA-së dhe Kinës.
Shtetet e Bashkuara po kërkojnë një klauzolë që do t’i lejonte asaj të tërhiqej nga pjesë të marrëveshjes nëse Britania arrin një marrëveshje tregtare me një shtet tjetër që SHBA nuk e miraton. Klauzola e propozuar nuk përmendi posaçërisht Kinën, por shihet nga diplomatët britanikë në Uashington si l%vizje që ka për qëllim të pengojë marrëdhëniet MB-Kinë.
Ajo ishte parë nga Mbretëria e Bashkuar si ekuivalente me presionin publik që SHBA i kishte bërë Britanisë për të mos arritur një marrëveshje me Huawei.
Shumica e polemikave në lidhje me bisedimet tregtare SHBA-MB është përqendruar deri më tani tek çmimet e ilaçeve, standardeve ushqimore dhe një taksë dixhitale.
Klauzola e propozuar bazohet në nenin 30 të marrëveshjes SHBA-Meksikë-Kanada që bllokon ekonomitë jo të tregut. Edhe pse Mbretëria e Bashkuar nuk kundërshton zyrtarisht klauzola të tilla, diplomatët britanikë janë të shqetësuar.
Diplomatët e Mbretërisë së Bashkuar janë të shqetësur se vendosmëria e Donald Trump për të përdorur koronavirusin si një manovër politike me të cilën të mundë Kinën, dhe të sigurojë rizgjedhjen e tij, do ta vendosë qeverinë e Mbretërisë së Bashkuar nën presion të jashtëm intensiv.
Ish kancelari George Osborne tha se ai ishte i sigurt se Boris Johnson nuk do të dorëzohej, duke thënë: “Çuditërisht, anëtari i kabinetit më të mirë për angazhimin me Kinën është kryeministri. Ai është i përgatitur në mënyrë të përsosur për t’i rezistuar presioneve”.
Osborne kujtoi se kur ishte kancelar, Johnson, i cili në atë kohë ishte kryetar i Londrës, e shoqëroi atë në një udhëtim në Kinë dhe e kuptoi plotësisht nevojën për bashkëpunim me Pekinin.
Në një shkollë qeveritare në Harvard Kennedy pretendohet se një marrëveshje e plotë tregtare para zgjedhjeve presidenciale të SHBA në nëntor është e pamundur.
Ata gjithashtu sugjerojnë që edhe një mini-marrëveshje mund të paraqesë një dilemë për Mbretërinë e Bashkuar, dhe mund të mbyllë derën për një Britani globale.
Gazeta citon një zyrtar të panjohur të qeverisë së Mbretërisë së Bashkuar duke thënë: “Bisedimet mund të përfundojnë me një deklaratë politike që tërheq MB në drejtim të një pikëpamje anti-Kinë.”
Një zyrtar i Zyrës së Jashtme citohet të thotë: “Strategjia nuk është të largohet nga BE dhe të zbulojë se SHBA po vendos axhendën dhe Mbretëria e Bashkuar është e lidhur me SHBA për shkak të një marrëveshje tregtare”.
Përkthyer dhe përshtatur nga The Guardian/ Konica.al
VAZHDO TË LEXOSH MË TEPËR PËR TEMËN
“Kina po përgatitet për më të keqen”
‘Lufta’ SHBA-Kinë/ Rinisin bisedimet tregtare
‘Prit dhe shiko’, strategjia e suksesshme e Kinës
