“Unë e di se si është Michael, kam informacion të drejtpërdrejtë për gjendjen e tij. Marrëdhënia ime me të ka qenë gjithmonë shumë e ngushtë, me gruan e tij Corinna më pak, pasi ajo rrallë vinte në gara. Ne e dimë që situata e tij nuk është e lehtë. Shpresoj dhe lutem çdo ditë që të mund të përmirësohet ”.
Janë këto fjalët e Felipe Massa-s në një intervistë për Fox Sports, teksa foli për shëndetin e Michael Schumacher pas aksidentit të tmerrshëm të skive në Meribel më 29 dhjetor 2013. NGA ajo ditë e mallkuar, familja e ish-pilotit gjerman ngriti një mur për të mbrojtur privatësinë.
Massa garoi me Ferrarin në 2006-n, ku Schumacher u shpall kampion për herë të shtatë në Formula 1, i fundit për Schumin. “Ai po kalon një fazë të ndërlikuar, por ne duhet ta respektojmë atë, siç bëra me familjen e tij. Atyre nuk u pëlqen të zbulojnë ndonjë informacion, kështu që pse duhet ta bëj unë?” – shton Massa.
Piloti aktual i Formula E mendon për Mick Schumacher, djalin që ka ndjekur hapat e babait të tij dhe po përpiqet të depërtojë në botën e shpejtësisë në katër rrota.
“Unë jam gjithashtu baba dhe e di se çfarë lidhje do të thotë. Unë ëndërroj dhe lutem çdo ditë që Michael mund të përmirësohet dhe që ai më në fund mund të bëjë rikthimin e tij, veçanërisht tani që djali i tij po bën gara, duke qenë në gjendje ta inkurajojë, ta duartrokasë. Kjo do të ishte e shkëlqyeshme. Lutjet e mia shkojnë saktësisht në këtë drejtim” – përfundon Felipe Massa.
VAZHDO TË LEXOSH MË TEPËR PËR TEMËN
Gruaja e Schumacher flet për gjendjen e tij
