Udhëheqës të shumtë politikë kanë parë popullaritetin e tyre të rritet gjatë pandemisë Covid-19. Dy përjashtime të mëdha janë Presidenti Trump, i cili ka parë që vlerësimet për të, të bien ndjeshëm javët e fundit, dhe sundimtari rus Vladimir Putin, i cili kohët e fundit pati vlerësimin e tij më të ulët të miratimit që nga shtatori 1999.
Sigurisht, SHBA dhe politika ruse ndryshojnë ndjeshëm. Por në administrimin e krizës shëndetësore, Trump dhe Putin po bëjnë të njëjtat gabime.
Ashtu si presidenti i SHBA-së, Putin në fillim kundërshtoi kërcënimin, duke konkluduar se ai kishte larguar rrezikun, duke mbyllur kufirin e Rusisë me Kinën. “Situata është nën kontroll,” u tha ai Rusëve në 19 Prill. Kur rastet filluan të rriten, Putin u shfaq në televizion pothuajse çdo natë dhe ia delegoi përgjegjësinë guvernatorëve rajonalë të Rusisë. Ju duket e njohur?
Shtetet e Bashkuara të paktën kanë shumë guvernatorë të aftë të shtetit, të cilët pjesërisht kanë kompensuar keqmenaxhimin e Trump. Kolegëve të tyre rusë iu mungojnë burimet ose aftësitë për të luftuar koronavirusin. Lideri çeçen Ramzan Kadyrov, kërcënoi me vdekje nëse shkelej karantina. Shumë të tjerë kanë bërë pak ose asgjë.
Rusia tani ka numrin e rasteve në rritje më të shpejtë në botë, pas Shteteve të Bashkuara, me 252,000 raste të regjistruara që nga e enjtja. Megjithatë, Putin tashmë po kërkon të heqë kufizimet në ekonomi. Të hënën, kur u raportuan 11,656 raste të reja, ai u tha rusëve se ishte koha të ktheheshin në punë.
Rusia kishte raportuar 2,305 vdekje nga virusi që nga e enjtja, por shumë ekspertë besojnë se numri është nënvlerësuar shumë. Një analizë nga Financial Times tregoi se numri mund të ishte 70 përqind më i lartë, bazuar në të dhënat e vdekshmërisë në Moskë dhe Shën Petersburg.
Pastaj ka dëme në ekonominë ruse, bashkë me luftën e çmimit të naftës me Arabinë Saudite që çoi çmimet në nivelet më të ulëta historike. Fondi Monetar Ndërkombëtar tani vlerëson se ekonomia ruse do të tkurret me 5.5 përqind këtë vit.
Putin vetë ka pësuar dy pengesa të mëdha përveç vlerësimit të ulët në sondazhe. Ai u detyrua të shtyjë një referendum muajin e kaluar që do të kishte ratifikuar ndryshimet kushtetuese duke e lejuar atë të qëndrojë në pushtet deri në vitin 2036, kur ai do të ishte 84 vjeç. Dhe ai nuk ishte në gjendje të organizonte një festë të fitores sovjetike mbi Gjermaninë naziste fundjavën e kaluar, ku do të merrnin pjesë liderët botërorë si Xi Jinping i Kinës dhe Emmanuel Macron i Francës.
Disa janë duke parashikuar se pandemia do të sjellë rrëzimin e Putin. Gjithashtu nuk ka asnjë shenjë që regjimi i tij së shpejti do të fitojë kontrollin mbi virusin.
Rusët, si amerikanët, janë duke vuajtur pasojat vdekjeprurëse të mikrobizmit dhe arrogancës së presidentit të tyre. Dallimi është se këta të fundit mund të votojnë për një ndryshim në nëntor
Përkthyer dhe përshtatur nga The Washington Post/ Konica.al.
VAZHDO TË LEXOSH MË TEPËR PËR TEMËN
A do ta bëjë koronavirusi Putinin, “mbretin e Lindjes”?
Kush rrezikon më shumë nga COVID-19 nga Kina tek Evropa e SHBA?
Edhe një kostum i verdhë i bën rusët ta adhurojnë Putinin!
