Ka vuajtur më shumë se në ndeshjet e tjera, por Bayern Munchen sërish nuk fal dhe tashmë thuajse është shpallur kampion. Bavarezët fituan në shtëpi 2-1 ndaj Monchegladbach, duke mbajtur distancën në 7 pikë nga vendi i dytë, kur mbeten edhe 3 javë në Bundesligë.
Bayern zhbllokoi ndeshjen në minutën e 26-të. Goli është realizuar nga 19-vjeçari Zirkzee, i cili ka realizuar me portën e boshatisur pas “asistit” të marrë nga portieri kundërshtar. Dhjetë minuta para këtij momenti, Borussia ka parë t’i anulohet një gol për pozicion jashtë loje nga VAR.
zirkzee gives bayern the lead against gladbach… #fcbbmgpic.twitter.com/fR1pG5E5TY
— Saquon. (@IAmSaquon) June 13, 2020
Ka zgjatur vetëm 9 minuta festa e Bayern Munich. Edhe goli i dytë i kësaj sfide ka ardhur nga një tjetër gabim. Pavard në minutën e 37-të shënoi në portën e tij. Kampioni i botës ka qenë i pafat me ndërhyrjen e tij, duke e devijuar topin në portën e Neuer.
Në mungesë të Lewandowskit si pasojë e pezullimit nga kartonët e verdhë, Bayern e ka pasur të vështirë gjatë gjithë pjesës së dytë. Megjithatë, Pavard shlyen gabimin dhe jep një asist në 86’ për Goretzka, që nuk fal dhe 2-1. Në minutat e fundit vendasit thjesht menaxhojnë avantazhin.
goretzka makes it two for bayern against gladbach… #fcbbmg pic.twitter.com/okxEqjqVQu
— Saquon. (@IAmSaquon) June 13, 2020
Ishte fitorja e 13-të radhazi për bavarezët, ndërsa nuk humbin prej 18 ndeshjesh, më saktë prej 11 janarit 2020. Janë 17 fitore dhe 1 barazim në të gjitha kompeticionet, me një mesatare prej 3 golash për ndeshje. Shifra vërtet mbresëlënëse! Por ende nuk ka fituar asnjë trofe…