Inter e ka rinisur me fitore, duke rikuperuar javën e 25-të dhe tashmë është përkatësisht 6 pikë dhe 5 pikë larg vendit të parë dhe të dytë. Zikaltrit fituan 2-1 në “San Siro” ndaj Sampdoria-s.
Lukaku, pas një manovre model me disa prekje dhe sidomos me Lautaro Martinez, që me thembër ka pasuar për belgun, i cili ka kombinuar me danezin Eriksen, që ia ka kthyer topin dhe sulmuesi e ka pasur të lehtë të realizojë. Lukaku ulet në gjunjë, kjo ndodhi në minutën e 10-të.
Interi ka shënuar edhe golin e dytë ndaj Sampdorias në një pjesë të parë të dominuar totalisht dhe me një Eriksen në superformë. Është Lautaro Martinez ai që u përgjigjet kritikave me një rrjetë në 33’.
Në pjesën e dytë, Sampdoria ka arritur të ngushtojë diferencën. Miqtë kanë kapur në befasi mbrojtjen zikaltër dhe kanë çuar shifrat në 2-1 me Thorsby-n në minutën e 53-të. Gjithsesi, pavarësisht se kishte shumë kohë, rezultati nuk ndryshon.
VAZHDO TË LEXOSH MË TEPËR PËR TEMËN
“Poker” i Atalantës, Champions edhe më pranë
Rinisje faktastike, Gjimshiti shënon për Atalantën
Kumbulla super, Verona “flirton” me Europën
