Më 1 korrik 2020, Gjermania do të marrë përsipër presidencën e Këshillit të Bashkimit Evropian.
Gjatë një periudhe gjashtëmujore, Gjermania do të udhëheqë punën e Këshillit gjatë rikuperimit nga kriza e virusit korona, ndërtimin e bashkëpunimit dhe marrëveshjes midis shteteve anëtare.
“Asnjë vend nuk mund ta rregullojë krizën vetëm, në izolim,” deklaroi Kancelarja Angela Merkel në Bundestagun gjerman në 18 qershor. “Evropa ka nevojë për ne, ashtu si ne kemi nevojë për Evropën”, tha ajo.
Një zyrtar i lartë gjerman i BE u tha gazetarëve dje (29 qershor) se marrja e presidencës në mes të krizës së vazhdueshme të korinës nuk ishte ajo që vendi i tij kishte pritur dhe ishte përgatitur. “Presidenca jonë është quajtur” Presidenca e Koronës”.
Presidenca ndërrohet me rotacion midis vendeve anëtare të BE-së çdo gjashtë muaj. Gjatë kësaj periudhe 6-mujore, Presidenca kryeson mbledhje në të gjitha nivelet në Këshill. Shtetet anëtare që mbajnë presidencën punojnë së bashku në grupe prej tre shtetesh, të quajtur “trios”. Treshja e re përbëhet nga Gjermania, Portugalia dhe Sllovenia.
Gjermania do të përballet me sfida thelbësore dhe të vështira siç bëri paraardhësi i saj Kroacia kur mori presidencën në 1 Janar 2020. “Duke marrë parasysh se Presidenca Kroate u zhvillua në rrethana jashtëzakonisht të vështira, ajo bëri një punë mjaft të mirë,” përmblodhi zyrtari gjerman.
Pandemia e koronavirusit ende nuk e kishte goditur Evropën por Kroacia filloi presidencën në një kohë ndryshimi për BE-në, pas zgjedhjeve të një Parlamenti të ri Evropian, një Komisioni të ri Evropian dhe Brexit, me një shtet anëtar që largohej nga BE-ja për herë të parë.
Asnjë marrëveshje për buxhetin afatgjatë të BE-së për 2021 – 2027 nuk mund të arrihet, një zgjidhje gjithëpërfshirëse për migracionin nuk u paraqit, negociatat e pranimit me Shqipërinë dhe Maqedoninë e Veriut nuk filluan, çështjet e sundimit të ligjit në Hungari dhe Poloni nuk u zgjidhën dhe “Konferenca për Të Ardhmen e Evropës”nuk shkoi siç ishte planifikuar.
Sipas burimit gjerman, mungesa e takimeve fizike, ku pjesëmarrësit mund të bashkëveprojnë me njëri-tjetrin, pati një efekt negativ në efikasitetin e takimeve.
“Takimet virtuale janë teknikisht të komplikuara dhe nuk dini as nëse të gjithë pjesëmarrësit janë të pranishëm gjatë gjithë kohës dhe nëse informacioni ka dalë në kohë reale”
Samiti i Këshillit Evropian i planifikuar në 17 – 18 korrik ka të ngjarë të jetë takimi i parë fizik. Takimet fizike pritet të shtohen nga shtatori.
Prioriteti kryesor i presidencës gjermane do të jetë lufta kundër pandemisë dhe ndikimit të saj në ekonomi dhe shoqëri me një plan të rimëkëmbjes.
Presidenca do të ndahet në tre faza. Në fazën e parë, qëllimi është të arrihet një marrëveshje unanime në korrik nga të gjitha shtetet anëtare mbi buxhetin e BE-së
Paketa e migracionit është shtyrë deri pas bisedimeve për buxhetin e BE-së dhe do të diskutohet në fazën e tretë të presidencës.
Konferenca e shumëpritur për të ardhmen e Evropës do të zhvillohet gjatë gjysmës së dytë të presidencës gjermane, kur shpresojmë se kushtet do të lejojnë takime fizike.
Përkthyer dhe përshtatur nga Brussels Times/ Konica.al
VAZHDO TË LEXOSH MË TEPËR PËR TEMËN
‘Pasardhësi i Merkelit’, mik i Rusisë dhe Kinës?
“Lufta” për karrigen e Merkelit
“Gjermania duhet të solidarizohet me BE-në”
