MENU
klinika

“Shërbim të mirë Serbisë”

Kurti: Kosova mori fajin për vonesën në rifillimin e dialogut

06.06.2020 - 12:30

Ish-kryeministri i Kosovës, Albin Kurti – që qeveria e udhëhequr nga ai kishte vendosur masat e reciprocitetit me Serbinë në prill të këtij viti – tha se me vendimin e fundit të qeverisë, për të shfuqizuar këto masa, Kosova ka marrë fajin për mungesën e deritanishme të dialogut.

Kurti tha se me këtë vendim, Qeveria e Kosovës i ka bërë “shërbim të mirë Serbisë”, duke shtuar se tani Kosova do të hyjë në dialog si fajtore për vonesën e rifillimit të këtij procesi.

Kryeministri i Kosovës, Avdullah Hoti tha se me heqjen e reciprocitetit, Kosova ka hequr pengesat për procesin e dialogut, por theksoi se tani i mbetet Serbisë, që të heqë pengesat, duke kërkuar ndaljen e fushatës së çnjohjeve të pavarësisë së Kosovës.

kolana e librave

Reciprociteti ishte kundërshtuar nga Shtetet e Bashkuara dhe Bashkimi Evropian, që kërkonin të hiqej kjo masë që të riniste dialogu.

Fillimisht taksa 100 për qind e vendosur në fund të vitit 2018 dhe më pas reciprociteti i vendosur ndaj Serbisë në prill të këtij viti, u panë si pengesa për vazhdimin e dialogut ndërmjet Kosovës dhe Serbisë.

Dialogu politik ndërmjet Prishtinës dhe Beogradit është ndërprerë në fund të vitit 2018, kur u vendos taksa 100 për qind. Beogradi ka kërkuar heqjen e të gjitha pengesave, në këmbim të kthimit në tavolinën e bisedimeve.

VAZHDO TË LEXOSH MË TEPËR PËR TEMËN


"Po i hap rrugë Thaçit për marrëveshje me Serbinë"

Reagon VV pas vendimit të Qeverisë Hoti për reciprocitetin