Rinisja e NBA-së nuk ka për të qenë aspak e lehtë. Turneu i ndërprerë për shkak të koronavirus që prej marsit, do të nisë më 31 korrik në Orlando. Por lajmet e orëve të fundit nga Florida nuk janë aspak të mira. Në kontenë e Orange County, aty ku do të luhen ndeshjet e NBA-së, janë regjistruar 167 raste me Covid-19 gjatë 24 orëve të fundit.
Në total, në këtë zonë janë konfirmuar gjatë kësaj jave 186 raste me koronavirus, ndërkohë që javën e kaluar ishin regjistruar vetëm 54 raste. Kjo ka krijuar jo pak panik te drejtuesit e NBA-së dhe skuadrat, që në mesin e korrikut do të shkojnë në Orlando për të vijuar fazën përgatitore.
NBA ka vendosur të kryejë teste çdo dy ditë, por frika sërish është e madhe. Të gjitha skuadrat, plot 22 të tilla, që do të gumbullohen në Orlando për të vijuar kampionatin e NBA-së, çdo 48 orë lojtarët stafi dhe shoqëruesit të kryejnë testin anti Covid 19.
Testet do të nisin nga 23 qershori, kur do të nisin stërvitjet e para në grup. Ekipet do të mbërrijnë në Orlando në datat 7-9 korrik dhe nga kjo datë do të nisin testet anti-Covid çdo dy ditë.
Rinisja e kampionatit është planikuar të ndodhë më 31 korrik në Orlando, ku 22 skuadrat do të luajnë fillimisht nga 8 ndeshje për të kompletuar sezonin e rregullt. Më pas, 8 ekipet më të mira në secilën Konferencë do të vijojnë fazën play-off. NBA parashikon të kryejë rreth 15 mijë teste anti-Covid deri në fund të këtij sezoni.
VAZHDO TË LEXOSH MË TEPËR PËR TEMËN
50 lojtarë të NBA, frikë për të luajtur
Trajnerët mbi 65 vjeç nuk do të stërvisin dhe drejtojnë
