Lorenc Trashi nuk do të jetë më pjesë e klubit të Partizanit pas këtij edicioni. Është vetë klubi i kuq që ka bërë të ditur se këto janë ndeshjet e fundit të tij me fanellën e kuqe. Trashi do të luajë me ekipin Al Qadsia Sporting Club të Kuvajtit.
Për shkak të kufizimeve të lëvizjeve drejt Kuvajtit, situatë e krijuar nga COVID-19, mbrojtësi shqiptar pritet t’i bashkohet ekipit 16 herë kampion të Premier Ligës së Kuvajtit sapo të lejohen fluturimet drejt këtij vendi. Titullari i kuq ka nënshkruar një kontratë 5 vjeçare.
Mësohet se Trashi do të përfitojë rreth 200 mijë dollarë në sezon, ndërsa klubi i Partizanit, nga shitja e lojtarit përfiton 250 mijë dollarë. Si për Trashin, ashtu edhe për klubin, janë shumë të konsiderueshme, pasi mbrojtësi shqiptar është në moshën 28-vjeçare.
Lorenc Trashi u shpall kampion sezonin e kaluar me Partizanit dhe nga paraqitjet e mira ju dha mundësia të luajë edhe me Kombëtaren shqiptare, teksa u aktivizua në 3 ndeshje, madje duke shënuar edhe një gol në Moldavi. Pas 6 vitesh me Partizanin skuadër me të cilën dhuroi performanca shumë pozitive, Trashi tashmë do të provojë eksperiencën e tij të parë jashtë vendit.
VAZHDO TË LEXOSH MË TEPËR PËR TEMËN
Kombëtarja ‘tërmet 4 ballë’ në Moldavi
Rekordet që vendosi Kombëtarja në Moldavi
