Data 19 qershor do të mbahet mend gjatë për Kombëtaren shqiptare të futbollit. Pjesëmarrja e Shqipërisë në Europianin e vitit 2016 kulmoi pikërisht në këtë datë me fitoren e parë dhe të vetme, 1-0 ndaj Rumanisë, teksa golin vendimtar e realizoi Armando Sadiku.
Një rrjetë historike duke u bërë futbollisti i parë dhe i vetëm shqiptar deri në këtë moment që ka realizuar në finalet e një eventi kaq të rëndësishëm. Nga ky moment, janë mbushur ditën e sotme katër vite.
Një fakt të cilin ka vendosur ta kujtojë edhe faqja zyrtare e UEFA-s, e cila ka postuar golin e sulmuesit elbasanas. Ndërkohë, tashmë mbetet të punohet që Shqipëria të mbërrijë sërish në fazën finale të një Europiani apo Botërori, për të ripërjetuar emocione të mëdha.