Ish-deputeti i Partisë Demokratike, Ervin Salianji i ftuar sot në rubrikën ‘Opinion” në studion e lajmeve në News 24 komentoi aktualitetin politik dhe çshtjet më të nxehta të tij.
Ndërsa mazhoranca u tërhoq sot nga shkarkimin i Presidentit Meta, Salianji tha se një gjë e tillë tregon se: “Zgjedhjet e 30 qershorit kanë rënë, e konfirmoi edhe vetë PS. Ky është lajmi për sot. PS pranoi se bëri gabim që kërkoi shkarkimin e Presidentit”,- tha ai.
Sipas demokratit, rotacioni politik është formalitet, ndërsa shtoi se me sistemin e Ramës PD merr 84 deputetë jo 88 sa merrnin.
Duke u ndalur tek tryeza e Këshillit Politik, ku Opozita e Bashkuar propozon hapjen 100% të listave por nuk heq dorë nga koalicionet parazgjedhore, Salianji u shpreh se pikërisht koalicionet janë frika më e madhe e kryeministrit. Sipas tij, halli i Ramës nuk janë listat e hapura, por ndalimi i koalicionit.
Salianji sqaroi më pas edhe modelin e propozuar nga PS në këtë këshill.
“Në duam të heqim elementët propagandistik që bën qeveria. Ne kemi qënë për lista të hapra përherë. Kauza jonë është e qartë: Ne duam hapje listash dhe lënie koalicionesh kështu siç janë. Rama nuk ka qëllim që t’i hapë listat. Ai ka propozuar që 4 deputetë pra fituesit në listë i përcakton Rama dhe 7 të tjerët, humbësit i cakton populli. Ne jemi kundër, jemi për të gjithë emrat nga populli. Rama thotë pra se kandidati i 5-të mund të marrë edhe 30 mijë vota por s’del dot deputet. Kjo është hile dhe sitem pervers. Qëllimi i i tij është të ndalojë koalicionet parazgjedhore. Vota brenda koaliciont llogaritet ndryshe, ndërsa pretendimi i Ramës për ti hequr koalicionet është absurd, ai do që përmes këtyre manovrave të fitojë 4 deputetë në tavolinë”,- tha Salianji.
Sipas ish-deputetit, qëllimi i kryeministrit është përbërja e koalicioneve me qëllim përcarjen e opozitës, gjë që siç shton, nuk do të ndodhë.
Salianji u shpreh ndër të tjera se Rama nuk ka shpëtim dhe se nuk duhet ta marrë më peng Shqipërinë.
