Shumë futbollistë kanë rritur ndjeshëm vlerat e tyre në La Liga. Prestigjozja spanjolle AS rendit 20 futbollistët që pësuan rritjen më të madhe në treg, duke u bazuar te të dhënat aktuale të Transfermarkt. Janë kryesisht lojtarë të rinj që janë rritur e tashmë shumica janë konfirmuar titullarë në ekipet përkatëse.
Mes tyre spikat shqiptari i Maqedonisë së Veriut, Enis Bardhi, që luan me Levanten. Mesfushori shqiptar u ble për 8 milionë euro dhe sot ai kushton 20 milionë euro dhe disa klube të Premier league janë vënë në ndjekje të tij.
Në top 20 janë 5 lojtarë të Real Madrid me rritjen më të madhe të vlerës, ku edhe vendin e parë në renditjen e përgjithshme e zë një nga Los Blancos. Pikërisht portieri Thibaut Courtois pati rritjen galoponte. Nga 12 milionë euro kur erdhi në La Liga, tashmë gardiani belg kushton plot 60 milionë euro. Në mesin e këtyre lojtarëve është edhe Asensio dhe Mendy, që nga 8 milionë, sot vlejnë 40 milionë euro.
Barcelona përfaqësohet me 3 lojtarë, ku flamurin e mban sulmuesi i dalë nga akademia, Ansu Fati. Nga 14 milionë, tani në 50 milionë euro, futbollisti nga Guinea Bissau zë vendin e gjashtë në këtë listë, por të parin nga mosha, pasi është vetëm 17 vjeç.
Edhe Sevilla ka rritur ndeshëm vlerat e futbollistëve Në top 20 gjenden tre lojtarë të saj, ku spikat Ocampos në vendin e pestë, nga 18 milionë në 50 milionë euro.
RENDITJA
20.José Campaña – Levante: Nga 8 në 20 milionë euro
19.Enis Bardhi – Levante: Nga 8 në 20 milionë euro
18.Reguilón – Sevilla / Real Madrid: Nga 5 në 25 milionë euro
17.Emerson – Betis: Nga 7 në 25 milionë euro
16.Riqui Puig – Barcelona: Nga 16 në 25 milionë euro
15.Pau Torres – Villarreal: Nga 14 në 30 milionë euro
14.Unai Simón – Athletic Bilbao: Nga 14 në 30 milionë euro
13.Gerard Moreno – Villarreal: Nga 14 në 30 milionë euro
12.Take Merrni ’Kubo – Mallorca: Nga 16.5 në 30 milionë euro
11.Mikel Merino – Real Sociedad: Nga 11 në 35 milionë euro
10.Marco Asensio – Real Madrid: Nga 8 në 40 milionë euro
9.Mendy – Real Madrid: Nga 8 në 40 milionë euro
8.Semedo – Barcelona: Nga 8 në 40 milionë euro
7.Marcos Llorente – Atlético Madrid: Nga 24 në 40 milionë euro
6.Ansu Fati – Barcelona: Nga 14 deri në 50 milionë euro
5.Ocampos – Sevilla: Nga 18 në 50 milionë euro
4.Diego Carlos – Sevilla: Nga 18 në 50 milionë euro
3.Lodi – Atlético Madrid: Nga 18.5 në 50 milionë euro
2.Oyarzabal – Real Sociedad: Nga 12 në 60 milionë euro
1.Courtois – Real Madrid: Nga 12 në 60 milionë euro
VAZHDO TË LEXOSH MË TEPËR PËR TEMËN
Futbollistët më të shtrenjtë në Serie A
Renditja e 20 futbollistëve të rinj më të shtrenjtë
10 futbollistët me të shtrenjtë të vitit 2020
