Vlerësohet në festivalin e filmit “Lavazza Film Festival”, artistja dhe producentja shqiptare, Aba Golja, për filmin “The Cuban”. Nëpërmjet një postimi në rrjetet sociale, ajo ka treguar se ndihet e nderuar që është vlerësuar me çmimin “Aktorja më e mirë”.
“Nuk e di ende, se çfarë ndodhi mbrëmjen e djeshme… por, përfundova me një çmim në emrin tim. Pafundësisht mirënjohëse, për vlerësimin si aktorja më e mirë në ”Lavazza Film Festival”. Faleminderit të gjithëve”, – shkruan Golja.
Festivali i filmit u zhvillua nga 20 deri më 31 korrik në Toronto, Kanada, ku prezantoi një përzgjedhje filmash nga disa prej vendeve më të prekura nga kriza globale e shëndetit, në përpjekje për të ndërtuar një urë lidhëse në mes filmit dhe betejës ende të pafituar, kundër pandemisë që po kalojmë.
Në festival u prezantuan filma nga vende të ndryshme të botës, përfshirë: Francën, Spanjën, Kinën, Rusinë, SHBA-në, Mbretërinë e Bashkuar, Brazilin, Indinë dhe Kanadanë, me një seri të veçantë “Focus on Italy”, të prezantuar në bashkëpunim me Istituto Italiano di Cultura a Toronto.
Një pjesë e shitjeve të biletave do të shkojnë për Kryqin e Kuq Kanadez, pikërisht për të luftuar pandeminë COVID-19.
Filmi “The Cuban”, ka si për producente, artisten me prejardhje shqiptare, Ana Goljan. Vetë artistja tha, se për filmin “The Cuban”, ku edhe ajo luan rolin e një infermiereje të re, që u shërben të moshuarve në një shtëpi sociale, është frymëzuar nga gjyshja e saj.
“Mesazhi nga stërgjyshja, gjithmonë ka qenë “të jesh njeri i mirë” dhe më ka mësuar të jem bujare, e respektueshme dhe ta shijoj sa më shumë jetën. Ndërsa mesazhi që jap unë, është: t’i duam prindërit dhe gjyshërit, dhe të kujdesemi sa më shumë për ta”- thotë Ana.
VAZHDO TË LEXOSH MË TEPËR PËR TEMËN
‘Streha mes reve’, një film që kalon kufijtë
‘Delegacioni’, Leo dhe enigmat e tij
