Filmi amerikan “Nomadland” ka fituar çmimin “Luani i artë” në Festivalin e Filmit në Venecie, ngjarja e parë e tillë e mbajtur me audiencë që nga përhapja e covid-19.
Në filmin e Chloé Zhao, luan Frances McDormand, si gruaja e ve që jeton si një nomade, pas krizës së vitit 2008.
Trileri “New Order” i regjisorit meksikan Michel Franco dhe drama historike “Wife of a Spy” nga Kiyoshi Kurosawa, të dy fituan “Luanët e argjendtë”.
Të gjithë spektatorët që ndoqën filmat në kinematë e Venecies, duhej të mbanin detyrimisht maska.
Aktorja australiane, Cate Blanchett, e cila kryesoi jurinë në edicionin e 77-të të festivalit, tha se fituesi ishte zgjedhur pas diskutimeve “të forta”, mes antarëve të jurisë.
Zhao, e cila është gruaja e parë që fiton çmimin më të madh të festivalit në 10 vjet, përshëndeti përmes “Zoom”-it, nga Kalifornia.
Vitin e kaluar, “Joker”, me protagonist Joaquin Phoenix, fitoi çmimin kryesor të festivalit. Takimi vjetor në qytetin italian, është një prej tri festivaleve më të mëdha të kinemasë, krahas atyre të Kanës dhe Berlinit.
VAZHDO TË LEXOSH MË TEPËR PËR TEMËN
“Reja” ngjall nostalgjinë e kohëve të vjetra
