Dy të rinj nga Kosova me banim në Zvicër, kanë udhëtuar në Horën e Arbëreshëve, për t’i bërë premtimin e dashurisë njëri-tjetrit. Ka qenë dëshira e madhe e të dyve, për t’u njohur nga afër me kulturën arbëreshe, çka e ka shtyrë çiftin e ri shqiptar të udhëtojë shumë kilomentra larg.
Alma dhe Milazimi, përveç dëshirës për të njohur vendin, dëshironin përvojën e plotë arbereshe, ndaj edhe kanë kërkuar të vishen me kostumet tradicionale arbëreshe.
Alma veshi fustanin që e mbajnë shumë vajza arbëreshe dhe Milazimi, kostumin e djemve. Ky udhëtim dhe propozimi në Horën e Arberëshëve, ishte një ëndërr e bërë realitet për vajzën shqiptare.
“Një emocion i madh për mua, falënderoj përzemërsisht arbëreshët që na ndihmuan pa hezitim. Siguruan këtë veshje të bukur dhe serenatat e magjishme” është shprehur arbëreshi Giorgoi, që ndihmoi çiftin në këtë eksperiencë.
Një përvojë e bukur e paharrueshme për një çift shqiptar që edhe pse jeton në Zvicër, nuk harron origjinën dhe mban gjallë dashurinë për kulturën e traditat. Arbëreshët u treguan të gatshëm për t’ua bërë edhe më të bukur këtë ditë të veçantë, dy të rinjve.
VAZHDO TË LEXOSH MË TEPËR PËR TEMËN
‘Hora degli Albanesi’, jeta e pasardhësve të Skënderbeut në Palermo
Arbëreshët, ‘pushtuesit e paqtë’ të Italisë së Jugut
