Edhe pse rastet me Covid-19 në qarkun e Beratit kanë pësuar ulje gjatë ditëve të fundit, mes rasteve të konfirmuara “pozitive” ka mësues e infermierë. Një infermiere në Repartin e Kirurgjisë në Spitalin Rajonal Berat ka rezultuar “pozitive” me koronavirus, duke e çuar në 14 numrin e infermiereve të infektuara në këtë repart gjatë muajit Dhjetor.
Infektimet kanë vijuar edhe në institucionet arsimore, ku më të prekurit rezultojnë të jenë mësuesit e zonave rurale. Edhe mes rasteve të sotme, një mësuese në shkollën 9-vjeçare në fshatin Tërpan në qytetin e Poliçanit është konfirmuar “pozitive” me SarsCov-2. Infektimet kanë vijuar edhe në disa institucione të rëndësishme vendore dhe që janë në kontakt të drejtpërdrejtë me qytetarët.
Mes rasteve pozitive komfirmohet: 1 punonjës në sh.a. Ujësjellës-Kanalizime Berat, 1 punonjës i OSHE-së në Poliçan dhe 1 mekanik në fshatin Syzezë në Urë-Vajgurore. Me gjithë numrat në ulje të të prekurve me Covid-19 në qarkun e Beratit, numri i rasteve aktive 871 është ende i lartë.
VAZHDO TË LEXOSH MË TEPËR PËR TEMËN
