Kryeministri britanik Boris Johnson ka lajmëruar sot masat e reja drastike, që kufizojnë udhëtarët që kanë si destinacion Britaninë e Madhe për afro një muaj. Kushdo që hyn në vend do të ketë një test koronavirus deri në 72 orë para nisjes dhe një formular të veçantë udhëtimi , i cili do të kontrollohet nga linjat ajrore.
“Për të parandaluar arritjen e varianteve të reja në vend, të gjithë korridoret e udhëtimit do të mbyllen nga ora 4:00 e mëngjesit të hënën. Të gjithë personat që mbërrijnë do të duhet të kenë një test negativ të Covid-it dhe duhet të karantinohen 10 ditë pas mbërritjes”, tha Johnson në deklaratën për media.
Kreu i qeverisë theksoi se kjo “është një përpjekje për t’u mbrojtur nga rreziku i varianteve të reja që po shfaqen dita-ditës dhe nuk janë identifikuar ende plotësisht“.
“Prej të hënës në orën 04:00 të mëngjesit e për një muaj, Britania e Madhe nuk lejon asnjë qytetar të hyjë në vend pa një test negativ ndaj COVID-19, jo më të vjetër se 72 orë“, shtoi ai.
Duke folur për procesin e vaksinimit në vend ai tha se po mbrohen më të rrezikuarit. “Pothuajse 45 për qind e personave mbi 80 vjeç dhe 45 për qind e personave në Shtëpitë e Kujdesit social janë vaksinuar”
VAZHDO TË LEXOSH MË TEPËR PËR TEMËN
Koronavirusi/ Si paraqitet situata në Shqipëri dhe në botë?
DW bën bilancin/ “Ballkani në kthetrat e Coronës!”
BBC/ Punëtorë nga Ballkani për të korrat e Europës
