“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacientja: Përshëndetje! Jam 35 vjeç dhe është shtatzënia e parë për mua. Kam bere eko dhe doktori më tha që ke një nodus në mitër 44mm. Më dha një kurë dyjavore dhe kur bëra ekon tjetër nodusi ishte akoma po me atë madhësi. Tani nuk më ka dhënë kurë tjetër. Jam shumë në merak, më tha se nuk ka ndonjë problem të rëndë, thjesht nuk e lejon mitrën të hapet sa duhet. Çfarë më këshilloni ju lutem? Faleminderit!
Mjeku: Konsultohuni me mjekun gjinekolog që ndjek shtatzëninë tuaj. Gjatë gjithë kohës kini kujdes të mos sforcoheni. Në fund të shtatzënisë,kur të përcaktohet dhe mënyra e lindjes në varësi të gjendjes së bebit, të zhvillimit, mund të bëhet një lindje me operacion. Gjatë operacionit hiqet edhe modusi, në qoftë se është problematik, gjë që varet nga gjykimi i stafit që do të presë lindjen.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
Çfarë është një analizë sedimenti?
A mund ta ushqej fëmijën me gji gjatë trajtimit?
