Nga Britania e Madhe, vjen lajmi i çuditshëm… Një prej universiteteve në vend, ka çelur masterin e parë në arte, ku mund të diplomohesh për “The Beatles”, si dhe ndikimin e gjerë të bandës legjendare në muzikë dhe shoqëri.
Universiteti i Liverpulit bën me dije, se ka filluar të pranojë aplikimet për një program mësimor në shtator 2021, të quajtur “The Beatles: Industria e muzikës dhe kursi i trashëgimisë”.
“Diploma do të tërheqë ata persona që aktualisht punojnë ose konsiderojnë një karrierë në arte, apo në të gjithë sektorët e turizmit dhe argëtimit në kohën e lirë, – ishte deklaraa nga ana e institucionit.
Materiali studimor përfshin analizimin e rolit që banda luajti në muzikë, industrinë krijuese dhe më pas, në fusha më të gjera, siç janë turizmi dhe trashëgimia kulturore.
“Jam mëse e kënaqur, që jemi në gjendje të ofrojmë studime zyrtare për “The Beatles”, pranë Departamentit të Muzikës dhe Institutit të Muzikës Popullore në Universitetin e Liverpulit”, – u shpreh Holly Tessler, udhëheqëse e programit.
“The Beatles”, të themeluar në Liverpool më 1960, fituan vlerësime ndërkombëtare gjatë karrierës 10-vjeçare – konsiderohen si një prej grupeve që patën më shumë ndikim, si dhe pionierë në historinë e muzikës mbarëbotërore.