Presidenti i Republikës, Ilir Meta ka kthyer në Kuvend ligjin, që zgjat afatin e koncesionit të aeroportit “Nënë Tereza” me 13 vjet, në shkelje flagrante të ligjit dhe të Kushtetutës.
Në një dalje për mediat, Kreu i Shtetit tha se marrëveshja që zgjat këtë afat është antikushtetues dhe ka nivelin më të lartë të korrupsionit legjislativ.
“Ky ligj dhe marrëveshja shtesë koncesionare ka nivelin më të lartë të antikushtetuesmërisë, por edhe të korrupsionit legjislativ në qeverinë dhe në kuvendin tonë një partiak. Shtesa arbitrare është kryer në kundërshtim me rregullat. Kjo kontratë shtesë koncesionare është mbajtur larg syrit të publikut. Në faqen zyrtare të Kuvendit nuk është bërë ende publike. Arsyeja është e thjeshtë fshehja nga sytë e publikut të kësaj procedure krejtësisht antikushtetuese, skandaloze dhe ligjore”, tha ndër të tjerat Presidenti Meta.
Kreu i Shtetit bëri publike dhe shkeljat që sipas tij janë bërë nga qeveria dhe Kuvendi.
“Propozimi i këtij ligji është miratuar nga Këshilli i Ministrave me vendimin nr 34 datë 27 janar 2021. Ligji është depozituar po brenda datës 27 janar, pra në të njëjtën datë nga qeveria. Po në 27 janar konferenca e kryetarëve në Kuvend e ka futur në kalendar brenda ditës edhe pse nuk është futur me procedurë të përshpejtuar.
Kësaj qeverie i është dashur vetëm një ditë që ta firmosë, shqyrtojë dhe t’ja propozojë kuvendit për miratim këtë ligj në kundërshtim me cdo procedurë. Kuvendi e ka shqyrtuar në 4 shkurt dhe e ka miratuar në seancën plenare në 8 shkurt.
Është e qartë se me cfarë urgjence e ka miratuar Kuvendit. Ndërkohë që Kuvendi ka në sirtarë ligje me shumë rëndësi, që presin prej vitesh. Procedura e ndjekur dhe zgjatja e afatit të kontratës koncesionare është bërë pa garë”, u shpreh Meta.
VAZHDO TË LEXOSH MË TEPËR PËR TEMËN
Debate te ‘Ekonomia’/ Ahmetaj: S’heqim dorë nga PPP
