Një nga episodet më pikante të sezonit të kaluar në Formula 1 ishte padyshim shpërthimi i makinës së pilotit francez Romain Grosjean. Kanë kaluar 3 muaj nga aksidenti i frikshëm që ndodhi në garën e Çmimit të Madh të Bahrein, ku makina Haas u përplas me barrierat mbrojtëse.
Njëvendëshja u nda në mes dhe u përpi nga flakët, ndërkohë që pas 26 sekondash piloti arriti të dalë gjallë nga makina e tij, fakt ky i konsideruar një mrekulli, duke parë dinamikën e aksidentit.
Televizioni francez “Canal Plus” ka ndërtuar me kompjuter dinamikën e aksidentit në 3D dhe pamjet që ka ofruar janë fantastike. Ajo që vihet re është se koka e pilotit ka kaluar poshtë barrierave mbrojtëse bashkë me gjysmën e makinës para se ajo të shpërthente.
Wow. Incredible Canal Plus animation of @RGrosjean‘s accident. Most accurate I’ve seen to date.
Have collected the animation clips into one video here (footage was placed amongst interview footage in the documentary).
h/t @RacingLines #F1 pic.twitter.com/QL0d2QU2ae
— Peke_Formula1 (@Peke_Formula1) February 20, 2021
Gjithçka ndodhi në 1.6 sekonda para se makina të shpërthente. Grosjean është gjallë falë sistemit mbrojtës “halo” që ndodhet mbi kokën e tij, që bëri të mundur që ai të mos pësojë dëmtime në kokë.
