Aktorja e njohur amerikane, Kirsten Dunst dhe aktori Jesse Plemons janë në pritje të fëmijës së dytë.
Këtë lajm ajo e bëri të ditur nëpërmjet një seti fotografik të realizuar për revistën ”W”.
Dunst në këto foto vuri në fokus barkun e rrumbullakosur me një fustan rrjetë të bardhë.
Ndërkohë dyshja akoma nuk ka zbuluar gjininë e bebes që është rrugës.
Kujtojmë se Kirsten dhe ylli i “Breaking Bad”, u fejuan në janar të vitit 2017. Çifti nisën njohjet e para që nga viti 2016 gjatë xhirimeve të “Fargo”.
Në maj të vitit 2019 ata u bënë prindër të një djali të cilin e pagëzuan me emrin Ennis.
Kujtojmë se aktorja konfirmoi lajmin e shtatëzanisë së parë duke treguar barkun e saj të rrumbullakosur, për koleksionin Vjeshtë 2018, të shtëpisë së modës “Rodarte”.
Duke e çuar idenë e lajmërimit të shtatzënisë në një tjetër nivel, Dunst pozoi duke mbajtur barkun në dy foto mahnitëse, në koleksionin e fundit të “Rodarte”.
Aktorja ishte vetëm një nga personazhet publike, që iu bashkuan markës, në prezantimin e veshjeve. Duke pasur parasysh faktin, se Dunst ka qenë njëkohësisht një muzë dhe një mike me dizajnuesit Rodarte Laura dhe Kate Mulleavy për vite me radhë, e bën mënyrën sesi dha lajmin një zgjedhje ideale.
VAZHDO TË LEXOSH MË TEPËR PËR TEMËN
