“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Përshëndetje! Ju falënderoj për këshillat tuaja të shumta. Jam shtatzënë në muajin e katërt. Punoj në zyrë dhe jam rreth 8 orë në qëndrim ulur. Që nga fundi i muajit të dytë kam pasur hera-herës dhimbje të kërbishtes.
Aktualisht e ndiej shumë dhimbjen e mesit dhe shpesh kur bëj ndonjë punë në këmbë (laj enët për shembull) kam një dhimbje të madhe në mes dhe e ndiej dhimbje dhe si shpim…
Nuk e di nëse është thjesht normale për shtatzëninë apo është diçka për t’u shqetësuar?
Po pyes pasi kam menduar se dhimbjet e mesit janë të muajve të mëvonë. Gjithashtu duhet të qartësoj se kam një skoliozë pak mbi pjesën e mesit. Mundohem që çdo ditë të eci të paktën 30 minuta. Shumë më thonë se nuk duhet të eci aq shumë, por edhe qëndrimi ulur më lodh shumë… Ju lutem, mund të më jepni ndonjë sugjerim? Faleminderit!
Mjeku: Skolioza e justifikon një dhimbje të mesit, sidomos kur personat rrinë për orë të tëra në karrige. Këshilla e parë është që duhet të rrinë korrekt në karrige. Jo në një mënyrë që të mënjanohet majtas ose djathtas. Duhet të ketë problem me spondiliartrozën e mesit. I këshillojmë që të mos ngrejë pesha dhe të mos qëndrojë për një kohë të gjatë në të njëjtin pozicion pa lëvizur. Të çohet çdo një orë nga karrigia. Duhet pyetur edhe për problemet me zorrën e trashë. Nëse ka probleme me kolitin apo jo. Gjëja më e mirë është kontakti me mjekun specialist.
Nëse keni edhe ju pyetje, dhe doni të merrni një përgjigje të shpejtë nga mjekët e “spitalit tonë online”, klikoni këtu. Identiteti juaj do të mbetet anonim.
VAZHDO TË LEXOSH MË TEPËR PËR TEMËN
“Ç’t’i bësh! S’më rrihet pa shkrepur një varg”
“Infeksioni i patrajtuar më çoi në sëmundje të valvulave të zemrës”
