Pas përfundimit të ndeshjeve të para të raundit çerekfinale të Champions League, Zinedine Zidane kaloi Pep Guardiolën. Francezi u bë trajneri i dytë në historinë e Ligës së Kampionëve që fiton më shumë ndeshje në 50 sfidat e para.
Fitorja e Real Madrid 3-1 ndaj Liverpool e çoi Zidane në 31 takime me sukses, duke lënë pas Pep Guardiolën me 1 ndeshje më pak, i cili fitoi 30 në 50 ndeshjet e para kur drejtonte Barcelonën.
Megjithatë, asnjë nuk krahasohet për momentin me Jupp Heynckes që drejtoi me sukses Bayern Munchen në dy periudha të ndryshme. Në 50 ndeshjet e para në Champions League ai fitoi 32 të tilla, duke lënë poshtë vetes emra të mëdhenj të trajningut botëror.
📊 Entrenadores con más victorias después de 50 partidos en la #UCL
🔝 Solo Heynckes (32) ganó más partidos que Zidane pic.twitter.com/EzG2Hy4ir0— Diario AS (@diarioas) April 7, 2021
Në vendin e katërt gjendet Vicente Del Bosque me 29 ndeshje dhe mbyll “top 5” Diego Simeone me 28 ndeshje duke drejtuar Atletico Madrid.
Këta trajnerë kërcënohen për momentin vetëm nga Hansi Flick, i cili në një vit e gjysmë nën drejtimin e Bayern Munchen ka fituar 15 nga 17 ndeshje në total. Me këtë ritëm ai me siguri mund të thyente rekordin e Heynckes.
VAZHDO TË LEXOSH MË TEPËR PËR TEMËN
Hansi Flick largohet nga Bayern Munchen?
Më në fund mposhtet Bayern, Chelsea thyen Porton
Real Madrid hedh një hap drejt gjysmëfinaleve
