E qëlluan ndërsa ndodhej në makinë, humb jetën i riu

Një tjetër vrasje është regjistruar këtë martë në lagjen “Skënderbej” në qytetin e Elbasanit.

Një person është qëlluar me armë zjarri dhe për pasojë ka humbur jetën.

Forca të shumta policie ndodhen në vendin e ngjarjes për të zbardhur shkaqet e vrasjes, ndërsa të afërm të viktimës janë tronditur nga ngjarja e ndodhur të cilët kanë shpërthyer në britma e lot.

Ambulanca ndodhej në vendin e ngjarjes për të bërë të mundur shpëtimin e jetës së të riut, por fatkeqësisht ai nuk ka mundur të mbijetojë.

Everest Caka është viktima i atentatit.

Mësohet se e plagosur ka mbetur dhe bashkëshortja e tij pasi udhëtonin në të njëjtën makinë, teksa kjo e fundit është transportuar në spital për mjekim.