Pas protestave të zhvilluara kundër orarit të kufizimit, kryebashkiaku i Vlorës, Dritan Leli ka takuar këtë të hënë disa prej pronarëve të bizneseve në Lungomare. Takimi mes tyre vjen menjëherë pas protestave dhe replikës së kryeministrit Rama me bizneset për kërkesën e tyre lidhur me shtyrjen e orarit të kufizimit.
Kujtojmë që rreth 90 biznese përgjatë Lungomares vendosën që të mbyllin aktivitetin e tyre për 24 orë në formë proteste.
Ndërkohë mbrëmjen e djeshme pati përplasje mes pronarëve të bizneseve dhe policisë e cila shoqëroi në komisariat 3 persona. Në përgjigje të bizneseve, kryeministri Rama tha se Lungomare nuk ka muzikë por ndotje akustike nga zhurmat.
Ai tha se nesër lirohet me një orë orari i kufizimit teksa i bëri thirrje atyre që duan të kërcejnë deri në orët e vona, të organizohen në natyrë pa shqetësuar njeri.
VAZHDO TË LEXOSH MË TEPËR PËR TEMËN
