Provinca jugore e Kinës Hainan nxori një rregullore të azhurnuar mbi tregtinë ndërkufitare të shërbimeve, duke u bërë në fakt rajoni i parë që lejon firmat e huaja të kryejnë aktivitet tregtar sipas të njëjtave rregulla si firmat kineze.
“Ky është një hap i rëndësishëm drejt rritjes së hapjes së nivelit të lartë të sistemit kinez [tregtisë ndërkombëtare] dhe është thelbësor për zhvillimin intensiv të Portit të Tregtisë së Lirë të Hainan,” tha Ministria Kineze e Tregtisë në lidhje me rregulloren e re.
Autoritetet e rajonit publikuan të Shtunën një listë kufizimesh që mbulon 11 fusha të bashkëpunimit ekonomik ndërkombëtar dhe përfshin 70 masa kontrolli mbi kompanitë e huaja që punojnë në Hainan. Në të gjitha rastet e tregtisë së shërbimeve të papërcaktuara në dokument, ndërmarrjet e huaja do të operojnë nën të njëjtat kushte si kompanitë kineze.
Mekanizmi i mëparshëm i “përjashtimeve nga ajo që është e ndaluar” ishte më i rreptë dhe më kompleks për firmat e huaja. Lëvizja synon të rrisë transparencën e ndërveprimeve të biznesit të krahinës me vendet e tjera dhe të rrisë nivelin e besimit të investitorëve. Supozohet se sistemi i modifikuar gjithashtu do të rrisë konkurrencën e Hainan në tregun ndërkombëtar.
Autoritetet Hainan sqaruan, megjithatë, se masat e reja “sigurojnë një kontroll mjaft efektiv mbi rreziqet rajonale dhe sistemike”.
Më 13 Prill 2018, Presidenti kinez Xi Jinping njoftoi krijimin e një zone eksperimentale të tregtisë së lirë në Hainan. Qëllimi i programit është të përfshijë portin e Hainan dhe të gjithë ishullin në procesin e globalizimit dhe shpërndarjes ndërkombëtare të punës.
Administrata e Hainan duhej të krijonte kushte tërheqëse për investitorët dhe të formonte një infrastrukturë kërkimore të zhvilluar. Sipas planit të qeverisë, deri në vitin 2050, Hainan do të bëhet një grup unik me një ekonomi të përparuar, duke pritur kampuset e universiteteve kryesore, laboratorët e avancuar dhe selitë e korporatave globale të teknologjisë së lartë.
Në një lëvizje të veçantë këtë javë, autoritetet e Hainan filluan krijimin e zonave pilot të inovacionit dhe biznesit të jashtëm në det në të gjithë ishullin, raportoi burimi lokal i informacionit Nanhaiwan.
Ky model biznesi në det të hapur lejon firmat kineze dhe të huaja të regjistrohen në ishull. Projekti synon të përshpejtojë zhvillimin e Hainan në fushën e shkencës dhe teknologjisë. Autoritetet synojnë të krijojnë 8 deri në 10 zona inovacioni dhe biznesi në det të hapur në Portin e Tregtisë së Lirë të Hainan në mënyrë që të tërheqin burime të cilësisë së lartë të inovacionit nga jashtë, si dhe promovimin e shkëmbimit ndërkombëtar të teknologjisë së lartë. Në të ardhmen, ky program do të zgjerohet deri në 11 parqe industriale në krahinë.
/Përkthyer dhe përshtatur për Konica.al nga RT
VAZHDO TË LEXOSH MË TEPËR PËR TEMËN
Bota merret me koronavirusin, Trump merret me Iranin!
Ç’është ‘doktrina Sinatra’, që BE ka zgjedhur për Kinën?
