Për gjysmë shekulli, iu kushtua tërësisht kërkimeve e studimeve për arkeologjinë shqiptare. Lindi më 25 gusht 1900, Prof. Hasan Ceka, njeriu që vuri themelet e arkeologjisë shqiptare.
Hasan Ceka studioi në Vjenë, ku u dallua si student i shkëlqyer.
Pas kthimit në Shqipëri, në vitin 1930, punoi në Bibliotekën Kombëtare, krijoi një koleksion arkeologjik, që edhe sot e trashëgon Biblioteka e Institutit të Arkeologjisë, ndërsa ka përfaqësuar Shqipërinë pranë misioneve të huaja arkeologjike, në Apolloni dhe Butrint.
Në vitin 1947 drejtoi ekspeditën e parë arkeologjike në Apolloni, si dhe punën për krijimin e Muzeut Arkeologjik Etnografik në Tiranë.
Në 1956-ën, kthehet në Apolloni për t’ia kushtuar qytetit antik, tërë veprimtarinë e tij kërkimore dhe studimore. Cekës i takon merita e zbulimit të një kompleksi arkitektonik në afërsi të ndërtesës së Agonoteteve, e nimfeut të qytetit dhe e shumë veprave të tjera.
Prof. Ceka u nda nga jeta më 2 nëntor 1998.
DPA ka publikuar edhe një fotografi nga Prof. Hasan Ceka, si dhe promemorien mbi ndërtimin dhe formimin e Muzeut Kombëtar nga arkeologu, Hasan Ceka, e cila ruhet në AQSH.
Fotografia kryesore: Arkeologët Vladimir Demitrioviç Blavatski dhe Hasan Ceka, në qytetin antik të Apollonisë, më 1958
VAZHDO TË LEXOSH MË TEPËR PËR TEMËN
Ku shtrihet (fshihet) Arnisa?
Kujtesë, diva Tefta Tashko Koço na rizgjon
