Banka Popullore e Kinës (PBC) të hënën ngriti monedhën e vendit kundrejt dollarit amerikan me 69 pikë bazë në maksimumin e saj që nga mesi i qershorit.
Renminbi (emri zyrtar i monedhës kineze) u forcua në 6.4497 juan për dollar. Para kësaj, monedha e Kinës arriti një maksimum prej një jave kundrejt dollarit amerikan të Premten e kaluar, duke rezervuar fitimin e saj të tretë radhazi javor në lajmet se Presidenti amerikan Joe Biden dhe Presidenti kinez Xi Jinping folën për herë të parë në shtatë muaj. Biseda u përqëndrua në çështjet ekonomike, ndryshimet klimatike dhe Covid-19.
Në gjysmën e parë të vitit, kursi i këmbimit të juanit ndoqi një trajektore në formë W në lidhje me monedhën amerikane, vuri në dukje kohët e fundit Guan Tao, kreu i departamentit të pagesave ndërkombëtare në Administratën Shtetërore të Këmbimit.
Më parë, Sun Guofeng, kreu i politikës monetare të PBC, paralajmëroi se luhatjet dydrejtimëshe në juan kundrejt dollarit do të ishin norma në 2021. Ai tha, megjithatë, se Pekini do të “ruajë stabilitetin e monedhës kineze në një gamë të arsyeshme dhe të balancuar.”
Vitin e kaluar, në mes të pandemisë Covid-19, juani po zhvlerësohej kundrejt dollarit amerikan për disa muaj. Në maj 2020, PBC uli normën e monedhës kombëtare në 7.1316 juan për dollar, më e ulta që nga shkurti 2008. Megjithatë, pas kësaj, juani filloi të forcohej gradualisht kundrejt monedhës amerikane.
Tregjet tani janë duke pritur për të dhënat e kredisë dhe aktivitetit të gushtit të Kinës, që pritet të publikohen më vonë këtë javë dhe të japin shifra mbi shëndetin e ekonomisë së vendit. Kjo potencialisht do t’u tregojë lojtarëve të tregut nëse nevojitet më shumë stimul. Deri më tani, eksportet e Kinës kanë mposhtur parashikimet e analistëve, ndërkohë që huadhënia ka qenë në një ritëm të rimëkëmbjes, por prodhimi industrial dhe shitjet me pakicë të vendit janë dobësuar dhe pritet të bjerë më tej.
/Përkthyer dhe përshtatur për Konica.al nga RT
VAZHDO TË LEXOSH MË TEPËR PËR TEMËN
Monedha e Kinës shënon dominimin tre-vjeçar ndaj dollarit
Monedha e Kinës, në muajin më të keq që nga lufta tregtare
Monedha kineze, kokëlartë në epokën ‘Biden’
