Mjeku i njohur, Ilir Alimehmeti urgjencaMjeku i njohur, Ilir Alimehmeti thotë se për fat të mirë, fëmijët dhe adoleshentët kanë risk shumë të ulët nga COVID-19.
Në një postim në Facebook, Alimehmeti analizon një studim të Universitetit të Kalifornisë, ku bëhet fjalë për riskun për shtrimin në spital nga miokarditi pas vaksinimit me Pfizer, dhe riskun për shtrimin në spital nga vetë COVID-19.
Sipas rezultateve të këtij studimi, për vajzat 12-17 vjeçe fatmirësisht risku i miokarditit nuk tejkalon riskun e pritshëm.
Ndërsa për meshkujt, thotë mjeku Alimehmeti është krejt histori tjetër.
“Në krahasim me shtrimin në spital nga vetë COVID-19: 3.7 – 6.1 fish më i lartë është risku pas vaksinimit të 12-15 vjeçarëve të shëndetshëm, 2.1 – 3.5 fish më i lartë është risku pas vaksinimit të 16-17 vjeçarëve të shëndetshëm.
Risku për shtrim në spital gjatë 120 ditëve pas infektimit nga COVID-19 është: 44.4 / milion te adoleshentët e shëndetshëm, dhe 210.5 / milion te adoleshentët me të paktën një sëmundje bashkëshoqëruese.
Risku për shtrim në spital pas vaksinimit me dy doza është: 162.2 / milion te 12-15 vjeçarët e shëndetshëm, 94.0 / milion te 16-17 vjeçarët e shëndetshëm”, shkruan doktori.
Postimi i plotë i Ilir Alimehmetit
❗ “Çdo gjë në jetë ka risqe dhe ajo çka duhet të mësosh është si të lundrosh mes tyre.”
Cit.: Reid Hoffman
🙏 Fatmirësisht fëmijët dhe adoleshentët kanë risk shumë të ulët nga COVID-19 miqtë e mi!
🙏 Risku nuk është zero, por e dimë që është shumë i ulët.
❗ Është krejt e logjikshme që vaksinimi i adoleshentëve DUHET të demonstrojë që ka risk akoma më të ulët se sa vetë sëmundja!
👉 Një nga risqet e vërejtura qartë ishte miokarditi (inflamacioni i muskulit të zemrës).
👉 Kjo vërejtje është e thjeshtë pasi bie në sy qartë dhe ndodh brenda ditëve të para pas vaksinimit!
Studiuesit e Universitetit të Kalifornisë, në një prepublikim të datës 8 shtator 2021, kanë studiuar në nivel kombëtar pikërisht:
👉 riskun për shtrimin në spital nga miokarditi pas vaksinimit me Pfizer, dhe
👉 riskun për shtrimin në spital nga vetë COVID-19.
📃 Rezultati:
👩 Për vajzat 12-17 vjeçe fatmirësisht risku i miokarditit nuk tejkalon riskun e pritshëm!
👦 Por, te meshkujt është krejt histori tjetër! Në krahasim me shtrimin në spital nga vetë COVID-19:
❗3.7 – 6.1 fish më i lartë është risku pas vaksinimit të 12-15 vjeçarëve të shëndetshëm,
❗2.1 – 3.5 fish më i lartë është risku pas vaksinimit të 16-17 vjeçarëve të shëndetshëm.
📃 Risku për shtrim në spital gjatë 120 ditëve pas infektimit nga COVID-19 është:
👉 44.4 / milion te adoleshentët e shëndetshëm, dhe
👉 210.5 / milion te adoleshentët me të paktën një sëmundje bashkëshoqëruese.
📃 Risku për shtrim në spital pas vaksinimit me dy doza është:
👉 162.2 / milion te 12-15 vjeçarët e shëndetshëm,
👉 94.0 / milion te 16-17 vjeçarët e shëndetshëm.
📃 Në Figurën e parë (Figura 7 në tekstin origjinal) tregohet qartë se:
👉 Për adoleshentët e shëndetshëm, risku është më i madh se sa përfitimi, pavarësisht nga situata epidemiologjike!
👉 Për adoleshentët me të paktën 1 sëmundje, risku balancohet nga përfitimi, në rastet e prevalencës së lartë dhe të moderuar të COVID-19, por jo në rastet me prevalencë të ulët!
📃 Një kufizim i pranuar nga vetë autorët është se:
❗ “…nuk ishim në gjendje të shtresëzonim risqet e shtrimit në spital për fëmijët që e kanë kaluar apo nuk e kanë kaluar sëmundjen.”, pra duke pranuar se ky është një element kyç i vlerësimit.
📃 Përfundimet e autorëve:
🚫 Për djemtë pa sëmundje të tjera, shanset për evente kardiake ose shtrim në spital për evente kardiake pas dozës së dytë të vaksinës me mRNA janë në mënyrë të konsiderueshme më të larta se sa risku 120-ditor i shtrimit në spital nga COVID-19, edhe në periudhat me prevalencën më të lartë të sëmundjes.
🚫 Efektet afatgjata të këtij inflamacioni kardiak nga vaksina nuk janë ende të njohura plotësisht dhe duhet të vazhdojnë studimet e tij.
🇺🇸 Në kuadrin e mandateve të vaksinimit pediatrik, SHBA mund:
✅ të konsiderojë mbledhjen e të dhënave mbi kalimin e infeksionit natyror në këtë grupmoshë;
✅ të ndjekë shembujt e Gjermanisë, Suedisë, Norvegjisë dhe të OBSH-së që kanë ndaluar rekomandimin përfundimtar të vaksinimit te fëmijët me risk të ulët ndaj COVID-19.
Dr. Shk. Ilir Alimehmeti
Epidemiolog Klinik
Fakulteti i Mjekësisë, UMT
Akademia e Shkencave të Shqipërisë
VAZHDO TË LEXOSH MË TEPËR PËR TEMËN
“Transmetimi nga fëmijët tek fëmijët është i pazakontë, rastet janë…”
A do goditet Shqipëria nga një valë e tretë e COVID pas festave?
“Djalli ndodhet në detaje, por po aty ndodhet edhe shpëtimi”
