31.10.2021 - 15:29
Inter nuk gabon në shtëpi përballë Udineses, duke fituar 2-0 dhe mbajtur vendin e tretë, me shpresën se Napoli e Milan në krye do të gabojnë në ndeshjet e tyre më pas.
Shumë raste në pjesën e parë, por asnjë gol. Presioni ishte te zikaltrit, që për të gjetur sa më parë golin e avantazhit, gabuan para zonës mike, por edhe për meritë të Udineses, që u mbrojt mirë.
Rezistenca e skuadrës mike do të zgjaste deri në minutën e 60-të, kur Correa kalon në avantazh Interin. Sulmuesi argjentinas do të shënonte edhe golin e dytë tetë minuta më pas, duke zgjidhur përfundimisht sfidën, pasi nuk ka më gola.
