Edhe njëherë tjetër Lewis Hamilton. Piloti britanik i Mercedes ishte më i shpejti sot pasdite në pistën e Stamboll, ku nesër do të zhvillohet gara e Çmimit të Madh të Turqisë.
7 herë kampioni i botës dha kohën 1’2 2” 868, duke vendosur edhe rekord të pistës. Gjithsesi, Hamilton do ta nisë garën e nesërme nga vendi i 11-të, pas penalizimit me 10 pozicione për shkak se ka ndërruar disa pjesë të motorit të tij.
Për pasojë, nga vija e parë nesër do ta nisin garën Valtteri Bottas (Mercedes) dhe Max Verstappen (Red Bull). Ata u klasifikuan sot në vendet 2-3, por përfituan nga një pozicion pas penalizimit të britanikut.
LEWIS: “The track is absolutely awesome. The team did a really great job getting us out at the right time.
“We’ll see what we can do tomorrow [after 10-place grid penalty] and hopefully give the fans an exciting race”#TurkishGP 🇹🇷 #F1 pic.twitter.com/9EfTUXNU7N
— Formula 1 (@F1) October 9, 2021
Ndaj, për Bottas vjen një “pole position” i dhuruar. I katërti u rendit Charles Leclerc me Ferrari (niset i treti), ndërsa shoku i tij i skuadrës, Carlos Sainz, do ta nisë garën nga vendi i fundit (ndërroi motorin).