Mozzik dhe Noizy janë dy ndër reperët më në zë në vendin tonë, këngët e së cilëve pëlqehen në masë të gjerë nga publiku.
Më herët ata bashkuan forcat dhe sollën një super bashkëpunim që mban titullin “Bonjour Madame”, i cili po korr një sukses të jashtëzakonshëm.
Klipi i këngës nis me një pjesë kur Mozzik thotë “Hey Siri. Play Bonjour Madame”. Mirëpo, fansat thonë se në fakt kjo pjesë është një diss i hapur për MatoLale-n. Ky i fundit dëgjohet në këngën e tij, “Dybala”, duke thënë në “Hey Siri” ndërsa qesh.
Sjellim në vëmendje se para pak muajsh, Noizy dhe MatoLale u përfshinë në një debat virtual.
E gjitha nisi kur MatoLale publikoi këngën e tij “Resto”, që hapur ishte një “diss” për Noizy-n. Mes rreshtave të këngës ai përmend edhe mikun më të mirë të Noizy-t, Varrosin.
“Edhe Varrosin që me demek e ke si vëlla, edhe Varrosin e ke lon me jetu në shtëpi me qera”, shprehet MatoLale në këngë.
MatoLale e pranon se Noizy e ka mbështetur në fillimet e karrierës dhe thotë se e ka dashur si vëlla dhe nuk priste që të merrte “diss” prej tij. Ndër të tjera ai e akuzon Noizy-n si të pabesë dhe se ndihet i rrezikuar nga MatoLale si reper i ri.
Menjëherë pas këngës, pati një reagim të ashpër nga Noizy. Ky i fundit bëri publike disa biseda që kishte bërë me MatoLalen në qershor të vitit të shkuar, 1 ditë para se të publikonin bashkëpunimin e tyre “Adrenalinë”. Në bisedë Noizy shihet se i kërkon MatoLales që ta shtyjnë publikimin e këngës së tyre, sepse ky i fundit kishte një mikun e tij në spital. Noizy u shpreh se MatoLale e bën të gjithë këtë për të marrë vëmendje prej tij dhe e paralajmëroi se shumë shejt do t’i harrohet emri.
“Mos e harroni asnjë moment kë keni të bëni. Rrenat e juaja zgjasin 2 ditë, mbas kësaj hype që more nga emri im dhe ti do vdesësh do përfundosh te gjithë llumi… dhe ti e din mirë këtë se e ke thonë dhe vetë, se kush të del kundra ty (Noizy) përfundon tek të shumtit. Të kujtohet? Numëro ditët dhe shife si vdes emri yt në heshtje me pambuk. Shokun e kishe në spital t’u luftu me jetën… mendjen e kishe te kënga me Noizyn. Ndërkohë flet boti për besprem”, ka shkruar në një tjetër postim Noizy.
Mirëpo edhe përgjigja nga MatoLale nuk vonoi. Ai ka publikuar disa komente nga kënga e tij, në të cilat fansa të Noizy-t shprehen se ky i fundit është arrogant dhe i pabesë dhe se i largon talentet e rinj nga grupi i tij OTR.
Më pas Mato ka postuar në Instagram një pjesë nga kënga e tij dhe ka shkruar:
“Gjithsesi në fund të videos e keni to be continued… si t’vi për mbarë. Edhe thuj hakerit që t’i ka mbyll faqet e miletit kujdes kur bën biseda. Unë jam ka Tirona s’përdor robt”.
Më pas MatoLale ka akuzuar Noizy-n se ka lënë vetëm mikun e tij, Varrosin, në një moment shumë të vështirë, si për t’i vërtetuar pabesinë.
“Ti gangster ke lënë Varrosin me dy plumba në bark dhe ke shku t’u dhënë koncerte e t’u festu ditëlindjen. Rëndësi kanë lekët varja shokut. Dhe atë të shokut tim unë e kam dhuratë nga ty e kam pagujt shumëfish atë famë që më ke ‘dhënë’ ti. Dhe ‘hasëm’ me gjithë estradën prej teje. Suksese në jetë”, shkruan reperi.
Si rrallëherë, në krah të Noizy-t doli Stresi, i cili ndau në InstaStory një foto që e fshiu më pas. Ai i hodhi kunja reperit Mato Lalo, duke treguar se vetë ai dhe Noizy ishin të vetmit në Shqipëri dhe s’kishte të tjerë si ata.
VAZHDO TË LEXOSH MË TEPËR PËR TEMËN
Thumbat e Mozzik dhe Noizy-t e paskan një shpjegim
Mozzik dhe Noizy bëhen bashkë
