13.11.2021 - 15:57
Sokol Cikalleshi dhe Klaus Gjasula, me kartonët e verdhë që kanë marrë mbrëmë ndaj Anglisë, e kanë mbyllur para kohe fazën kualifikuese në grup dhe nuk do të jenë ndaj Andorrës në ndeshjen e së hënës.
Mungesat pritet të jenë më të shumta, pasi priten edhe përgjigjet e dy të dëmtuarve, Bare dhe Kumbulla, që dolën nga fusha në fillim të ndeshjes, madje që në 15 minutat e para.
Dyshime ka edhe për gatishmërinë e Brojës, që mbrëmë përfundoi në tribunë. Mësohet se ai nuk ka udhëtuar me kuqezinjtë drejt Tiranës. Gjithsesi, nga FSHF nuk ka asnjë njoftim në lidhje me të.
