Sipas traditës, brezi i dhurohet gruas arbëreshe në ditën e fejesës, pasi ai përfaqëson prejardhjen që duhet të mbështesë vazhdimësinë.
Ky brez shumë i rëndësishëm, është i përbërë nga nëntë pllaka të punuara imtësisht dhe një bosht qendror shumë i përpunuar, karakterizuar nga figura e Shën Gjergjit Megalomartirit, shenjtori mbrojtës në Piana degli Albanesi. Shenjtori përfaqësohet teksa vret dragoin me shtizën e tij. Forma e koprës qendrore ka një formë pothuajse drejtkëndore dhe në pjesën e sipërme përfundon me një kurorë të mbështetur nga dy putti.
Brezi, që padyshim përfaqëson elementin më të rëndësishëm të kostumit tradicional të femrës, mbështetet në një hark, i përbërë nga katër shirita mëndafshi të gjelbër në formë drejtkëndëshe paksa të mbivendosura dhe të bashkuara me një fjongo të gjelbër saten. Çdo shirit është i qëndisur imët në ar me motive lulesh.
Veshja tradicionale femërore e arbëreshëve në Piana degli Albanesi përfaqëson një nga identitetet e kulturës arbëreshe, kolonitë greko-shqiptare të themeluara në Itali në shekullin e 15-të. Veshja tradicionale përcillet brez pas brezi. Sot rezistojnë një numër shumë i vogël qëndistarësh, të cilët ende i përkushtohen mbajtjes së kësaj tradite, edhe pse qëndismat janë më të thjeshta dhe më pak të pasura.
VAZHDO TË LEXOSH MË TEPËR PËR TEMËN
‘Hora degli Albanesi’, jeta e pasardhësve të Skënderbeut në Palermo
“Moj e bukura More…” Arbëreshët në UNESCO?
“Antonio Gramsci”, Meta me autorin italian arbëresh Brunnetti
