Tenistja australiane Ashleigh Barty dhe ajo amerikane Danielle Collins janë dy finalistet e grand slamit Australian Open, turneu që po zhvillohet në Melbourne. Barty, numri 1 në botë, fitoi me lehtësi 2-0 (6-1 dhe 6-3) ndaj amerikanes Madison Keys, një ndeshje që ishte një formalitet për tenisten vendase.
Ajo e dominoi sfidën në të dy setet dhe u kualifikua brenda 60 minutash. Për Barty kjo është hera e parë që kualifikohet në finalen e këtij grand slam, duke u bërë tenistja e parë australiane që shkon në finalen e turneut të shtëpisë.
Made Down Under ™️
🇦🇺 @ashbarty defeats Madison Keys 6-1 6-3 to become the first home representative to reach the #AusOpen women’s singles final since 1980.
🎥: @wwos • @espn • @eurosport • @wowowtennis #AO2022 pic.twitter.com/C7NtLJySmp
— #AusOpen (@AustralianOpen) January 27, 2022
Në gjysmëfinalen tjetër, tenistja amerikane Danielle Collins (numri 27 në botë) eliminoi polaken Iga Swiatek, numri 7 në botë. Një rezultat surprizë, pasi polakja konsiderohej favorite, por fusha tregoi të kundërtën.
Collins e pati ndeshjen vazhdimisht nën kontroll, duke i fituar setet 6-4 dhe 6-1. Për Collins kjo është hera e parë që shkon në finalen e një grand slam në karrierën e saj dhe nuk konsiderohet favorite ndaj Barty, që do të luajë të shtunën para tifozëve të vet.
👀👀👀
No lipreaders necessary.#AusOpen • #AO2022 pic.twitter.com/fFTPcuE1gz
— #AusOpen (@AustralianOpen) January 27, 2022