U luajtën ditën e sotme 7 sfida e javës së 18-të të Kategorisë së Parë, ku nuk munguan surprizat. Bylisi regjistroi disfatën e dytë në këtë kampionat, teksa u mposht nga Turbina e vendit të parafundit. Nga ky rezultat duket se ka përfituar Erzeni, që ka ngushtuar distancën në 5 pikë nga skuadra ballshiote.
Shijakasit bënë detyrën në shtëpi përballë Shkumbinit, duke fituar me përmbysje 3-1. Në sfidat e tjera, skuadrat vendase bënërë detyrën, ndërkohë që i vetmi takim që përfundoi në barazim ishte ai mes Burreli dhe Butrintit, me shifrat e bardha.
Fitore “in-extremis” për Pogradecin, që iu fal golit të Marin Abazaj në minutën e 94-t. 3 pikë të arta edhe për Vorën ndaj Tërbunit të Pukës. Vlen të theksohet se dueli mes Korabit dhe Besës do të zhvillohet ditën e nesërme. Ja të gjitha rezultatet:
REZULTATET
ERZENI-SHKUMBINI 3-1
39′ Prengaj, 78′ Oliveira, 89′ Prengaj/ 21′ Nunes
APOLONIA-MALIQI 3-0
25′, 87′ Omeri, 37′ Kaçanolli
VORA- TËRBUNI 1-0
90′ Asimetaj
LUSHJNA-TOMORI 3-1
58′, 68′ Lajthia, 90+2 Da Silva/ 55′ Caco
BURRELI-BUTRINTI 0-0
POGRADECI-BESËLIDHJA 1-0
Abazaj 90+4′
TURBINA-BYLIS 2-1
40′ Branica, 79′ Veriu/ 65′ Ruçi
VAZHDO TË LEXOSH MË TEPËR PËR TEMËN
