Një gjendje e jashtëzakonshme do të vendoset në të gjitha pjesët e Ukrainës nën kontrollin e qeverisë, njoftoi të mërkurën Këshilli Kombëtar i Sigurisë dhe Mbrojtjes së vendit.
Masa pritet të miratohet nga Parlamenti ukrainas brenda 48 orëve dhe do të zgjasë për 30 ditë, me mundësi të zgjatjes edhe për 30 ditë të tjera.
“Në gjithë territorin e vendit tonë, përveç Donetskut dhe Luhanskut, do të vendoset një gjendje e jashtëzakonshme”, tha të mërkurën Oleksiy Danilov, Sekretari i Këshillit të Sigurisë Kombëtare dhe Mbrojtjes së Ukrainës.
“Qëllimi kryesor i Federatës Ruse është të destabilizojë Ukrainën nga brenda dhe të arrijë objektivin e saj. Që kjo të mos ndodhë, ne vendosëm sot dhe e morëm këtë vendim”, shtoi ai.
Duke folur gjatë një konference për shtyp në Kiev, Danilov tha se Gjendja e Jashtëzakonshme do të përfshijë “forcimin e rendit dhe sigurisë publike në objektet kritike të infrastrukturës” dhe forcimin e inspektimeve në lëvizje të caktuara të transportit.
“Në varësi të rrethanave lokale, mund të ketë masa më të forta ose më të buta për të garantuar sigurinë e vendit tonë”, shtoi ai. Të gjitha këto janë masa parandaluese, për të ruajtur paqen dhe qetësinë në vend dhe që ekonomia të vazhdojë të funksionojë, raporton CNN.
VAZHDO TË LEXOSH MË TEPËR PËR TEMËN
“Epoka e vetmisë gjeopolitike”/ Ku po shkon Rusia e Putinit?
“Putini po luan me zjarrin”!
