Kryeministri Edi Rama ka emëruar drejtorin e Agjencisë së Mbikëqyrjes Policore, Muhamet Rrumbullakun. Propozimi është bërë nga Ministri i Brendshëm Bledi Çuçi.
Më parë, Rrumbullaku ishte drejtor i Shërbimit të Çështjeve të Brendshme dhe Ankesave, por është kthyer në Agjencinë e Mbikëqyrjes Policore.
Në kompetencat e tij, ky institucion ka të drejtë të hetojë ndaj efektivëve të Policisë së Shtetit, gardës së Republikës dhe Zjarrëfikëseve në raste të shkeljes së detyrës.
EMËROHET DREJTORI I PËRGJITHSHËM I AMP
Me propozim të Ministrit të Brendshëm, Kryeministri Rama ka emëruar Drejtorin e Agjencisë së Mbikëqyrjes Policore, z. Muhamet Rrumbullaku.
Rrumbullaku ka një karrierë 29 vjeçare në strukturat e Policisë së Shtetit, ku për disa vite ka mbajtur postin e Zv/drejtorit të Përgjithshëm të Policisë për Rendin dhe Sigurinë Publike, ndërsa më parë ka drejtuar Policinë e Tiranës e disa qarqe të tjera.
Gjatë 3 viteve të fundit, ai ka drejtuar Shërbimin për Çështjet e Brendshme dhe Ankesat (SHÇBA) duke orientuar punën për shndërrimin e këtij institucioni në nivelet e një institucioni bashkëkohor dhe me standardet më të larta europiane, punë e cila kulmon me miratimin në Kuvend të ligjit nr. 128/2021, i cili i hapi rrugë krijimit të Agjencisë së Mbikëqyrjes Policore.
