Një vrasje ka ndodhur paraditen e sotme në Vranjevc të Kosovës.
Gazeta Express raporton se një 14-vjeçar nxënës i shkollës “Hilmi Rakovica” është vrarë me thikë.
Policia dhe Mjekësia Ligjore ndodhen në vendin e ngjarjes po punojnë për zbardhjen e saj.
Nuk dihet ende identiteti i nxënësit të vrarë apo autorit si as rrethanat në të cilat ka ndodhur ngjarja.
Deklarata e policisë
Sot rreth orës 07:30, kemi pranuar informatën për një rast vrasje, në rrugën “Fahri Fazliu”, në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore.
Bazuar në të dhënat fillestare, personi i cili dyshohet se ka marrë lëndime të rënda nga një mjet i mprehët (thikë) dhe i njëjti është dërguar në Qendrën e mjekësisë Familjare (QMF), ku dhe është konstatuar vdekja e tij. Vdekjen e viktimës R.H. mashkull 14 vjeç, e ka konstatuar ekipi mjekësor në QMF.
Aktualisht hetuesit policor kanë nisur një hetim për sqarimin e të gjitha rrethanave që lidhen me rastin.
