“E rëndësishem është që të gjejmë një president që të mos jetë si ai që kishim”. Sekretari i Përgjithshëm i PS, Damian Gjiknuri njëherësh dhe drejtues politik i qarkut Elbasan deklaroi në një intervistë për InfoWebTV, se presidenti i ri duhet të jetë një figurë me integritet që të qëndrojë mbi palët dhe të mos ketë plane politike.
Gjiknuri nënvizoi se kreu i ri i shtetit duhet të jetë antipodi i Ilir Metës në Presidencë. Sekretari i Përgjithshëm i PS hedh poshtë dhe zërat se Lulzim Basha të jetë një kandidat i mundshëm për President.
Po afron përfundimi i mandatit të presidentit,a do të kemi një president nga PS apo një emër konsensual apo nga shoqëria civile?
E rëndësishem është që të gjejmë një president që të mos jetë si presidenti që kishim. Pra, të jetë një njeri që di të qëndrojë mbi palët, një njeri që nuk ka interesa dhe plane politike, një qytetar me integritet. Mund të jetë ish politikan, ish-akademik. Ne kemi mundësi ta zgjedhim presidentin tonë me 71 vota, kjo nuk diskutohet. Ne mendojmë që t’i afrojmë qytetarëve shqiptarë një antipod të asaj që pamë te Ilir Meta.
Do të thotë një figurë që ka integritet, nuk ka interesa të çastit politike dhe të dijë që të qëndrojë mbi palët dhe ta shikojë misionin e tij si president dhe jo si një njeri që ka misionin e tij politik që çfarë do të bëjë pas ditës që do të ikë nga detyra apo gjatë kohës që jam në detyrë se si do t’i shërbej forcës politike që më ka propozuar. Ne nuk e duam këtë. Jam i bindur që PS do të jetë në gjendje që të afrojë shumë personalitete, qoftë dhe brenda radhëve të sja, nuk flas deputetë aktualë, mund të jenë, por dhe njerëz që kanë kontribute dikur qoftë në PS apo qoftë në institucione të tjera jo partiake apo mund të vijnë nga bota akademike.
-Përflitet dhe për një presidente grua?
Grua apo burrë e rëndësishme është që të jetë me integritet.
-Po nëse propozohet nga opozita do ta votonit?
Nëse ka ndonjë figurë që është e përshtatshme ne do ta dëgjojmë. Ne do të fillojmë një proces negociate me opozitën për të krijuar një lloj identikiti të presidentit të mundshëm.
-Basha është një ndër kandidatët?
Tani kjo e Bashës e ka gjetur përgjigjen. Ka qenë më shumë një diversion brenda PD-së. Ne s’do të bëjmë eksperimente me figura që dështuan me një drejtim të politikës dhe mendojnë se do të gjejnë presidencën për platformë tjetër politike. Ne duam të evitojmë atë që patëm me Ilir Metën i cili mbase me dy mendje apo me gjysmë zemre la drejtimin e LSI, dhe u fut në presidencë dhe atje e ktheu presidencën në një paltformë politike të tijën dhe një instrument për ta përdorur në interes të opozitës.
Presidenti duhet të jetë kundërshtar I partive, ai s’duhet të përfshihet fare në politikën e ditës, por të respektojë vetëm Kushtetutën.
-Nëse pas mandastit ai bashkohet me Berishën do e keni pak vështirë nëse ndodh?
Ne përballë i kemi pasur edhe tani ata thjesht do të heqë një kapele dhe do të vërë një tjetër. I njëjti njeri është.
-A e keni ju frikë Berishën në gjithë këtë lëvizje që po bën?
As nuk e shkoj ndërmend që Berisha jo vetëm për moshën qëka, por dhe për atë çka e njohin shqiptarët do të përbëjë rreizk për PS. Po ai ëShtë rrezik për një pjesë të demokratëve për shkak se një pjesë e ndjekin dhe unë e besoj që e ndjekin me zemër, pasi është themelues i PD, por ju e dini që ka një malore shumë të lartë përpara. Jo vetëm që është i papranueshëm për partnerët perëndimore dhe aq më tepër Shqipëria që është një vend i vogël dhe shumë i ndërlidhur me interesat e komunitetit të vendeve demokratike.
Së dyti praktikisht kanë çarë partinë e tyre. Kur të dyja çopat apo të treja çopat ishin të tërë bashkë, pasi sëbashku ishin qoftë në prill 2021, por dhe më parë dhe arritën atë rezultat, nuk e di se si të ndarë do të jenë më efektivë. Por logjika më thotë që do të jenë më të dobët seç ishin.
VAZHDO TË LEXOSH MË TEPËR PËR TEMËN
Avancon Moglica, përurohet rruga
