Gjithçka është gati në Qendrën Hapësinore Kennedy, në Florida, për nisjen në Stacionin Ndërkombëtar Hapësinor të austronautes Samantha Cristoforetti, e Agjencisë Hapësinore Evropiane. Drita jeshile për ekuipazhin e misionit Nasa dhe SpaceX Crew-4 është planifikuar për në orën 3:52 me orën lokale, 9:52 me orën tonë. Misioni Crew-4 do të transportojë astronautët e NASA-s Kjell Lindgren, komandant misioni, Robert Hines, pilot, Jessica Watkins, specialiste e misionit dhe astronauten e ESA Samantha Cristoforetti, kryesuese e misionit shkencor “Minerva”, në ISS “, gjatë të cilit do të marrë edhe rolin e komandantes së segmentit orbital amerikan të bazës (Usos).
Për astronauten Samantha ky është misioni i dytë hapësinor afatgjatë pas “Futura” të Agjencisë Italiane të Hapësirës, i cili filloi në nëntor 2014. Samantha Cristoforetti, së bashku me shokët e saj të ekuipazhit, këtë herë do të fluturojë në anijen e re private amerikane të hapësirës Crew Dragon të SpaceX , të quajtur Freedom, e sjellë në orbitë nga një raketë e provuar Falcon 9. Pas ankorimit të Freedom në ISS, do të ketë një dorëzim prej rreth 5 ditësh me misionin e mëparshëm të NASA-s dhe SpaceX Crew-3, përpara se ky i fundit të kthehet në Tokë.
