Së fundmi, moderatorja shumë e dashur dhe e ëmbël për publikun shqiptar, e cila është edhe në një pritje të ëmbël, Dojna Mema nëpërmjet një postimi në Instagram ka treguar gjithçka rreth punës dhe karrierës duke nisur që nga puna dhe rroga e parë e saj. Në foto Dojna shfaqet në ‘Top Albania Radio’ rreth 10 vitë më parë dhe në dixhiturën e fotos ka shkruar këto fjalë:
Puna ime e parë, radio, 19 vjeçe! Asokohë mendoja që do të ishte edhe e fundit. Pas 6 muaj prove (të papaguar) mu vendos një pagë 20.000 lek dhe mbaj mend që isha aq e lumtur sa thoja: Po këta pse më paguajnë për të bërë çfarë më pëlqen?! Shumë ka ndryshuar nga atëherë. Radio nuk ishte puna ime e vetme apo e fundit, paga u rrit bashkë me mua dhe mbi të gjitha unë mësova t’i lë gjithmonë të hapura dyert e dritaret e mundësive duke mos u kufizuar nga askush dhe asgjë. Bota është aty për ta kapur, bashkë me gjithëçka brenda. Foto Arkive: Circa 2012!
Ndërkaq, Dojna Mema dhe Vlashent Sata janë dyshja më e përfolur e momentit. Çifti është në një lidhje dashurie prej kohësh tashmë dhe sytë e të gjithëve janë drejt tyre. Dojna është në pritje të ëmbël të një vogëlushi dhe ndan shpesh me ndjekësit e saj postime nga ky rrugëtim kaq i mrekullueshëm. Më datë 1 prill çifti kurorëzoi dashurinë e tyre. Lajmin na e dha vetë Dojna përmes postimeve të saj në Instagram.
VAZHDO TË LEXOSH MË TEPËR PËR TEMËN
Dojna Mema flet pas humbjes së të atit
Dojna Mema paska një sozi, ngjashmëria është ‘e frikshme’
