02.06.2022 - 19:54
Kosova i ka bërë një nisje shumë të mirë edicionit të ri të Nations League, duke fituar 2-0 në transfertë ndaj Qipros. Një sukses edhe për trajnerin Giresse, por më e vështira ende nuk ka ardhur, pasi në grup janë edhe Greqia me Irlandën e Veriut.
Të dy golat janë shënuar në pjesën e dytë. Në 65’, Zhegrova dhe Muriqi kombinojnë bukur, topi shkon te Valon Berisha, i cili gjen rrjetën falë një goditje shumë të bukur. Kaq mjaftoi dhe Kosova mori lojën në nën kontroll.
Në 78’, është vetë Zhegrova që realizon. 23-vjeçari i Lille tallet me mbrojtjen kundërshtare dhe realizon një eurogol. Minutat në vazhdim janë më të ekuilibruara, por Kosovës I mjaftojnë 2 gola.
